Enable Javscript for better performance
Ireland confirm India fixtures for 2022 summer- Dinamani

உடனுக்கு உடன் செய்திகள்

    அயர்லாந்தில் இரு டி20 ஆட்டங்களில் விளையாடும் இந்திய அணி: அதிகாரபூர்வ அறிவிப்பு

    By DIN  |   Published On : 02nd March 2022 11:11 AM  |   Last Updated : 02nd March 2022 11:12 AM  |  அ+அ அ-  |  

    rohit_sharma_ani_20220227322Lxx

     


    இங்கிலாந்துச் சுற்றுப்பயணத்தின் ஒரு பகுதியாக அயர்லாந்தில் இரு டி20 ஆட்டங்களில் விளையாடவுள்ளது இந்திய அணி. இதற்கான அதிகாரபூர்வ அட்டவணை வெளியிடப்பட்டுள்ளது.

    இலங்கைக்கு எதிரான டி20 தொடருக்குப் பிறகு அந்த அணியுடன் இரு டெஸ்டுகளில் விளையாடுகிறது இந்திய அணி. இலங்கை தொடருக்குப் பிறகு ஏப்ரல், மே மாதங்களில் ஐபிஎல் போட்டி இந்தியாவில் நடைபெறவுள்ளது. இதற்கான அட்டவணை இன்னும் வெளியிடப்படவில்லை. 

    ஐபிஎல் போட்டி முடிவடைந்த பிறகு தென்னாப்பிரிக்க அணி இந்தியாவுக்குச் சுற்றுப்பயணம் செய்து 5 டி20 ஆட்டங்களில் விளையாடுகிறது. ஜூன் 9-ல் தொடங்கும் டி20 தொடர் ஜூன் 19-ல் நிறைவடைகிறது. 

    இதன்பிறகு இந்திய அணி இங்கிலாந்துக்குச் சுற்றுப்பயணம் செய்து ஒரு டெஸ்ட், 3 ஒருநாள், 3 டி20 ஆட்டங்களில் விளையாடுகிறது. கடந்த வருடம் இங்கிலாந்தில் ரத்தான 5-வது டெஸ்ட் ஜூலை 1, 2022 அன்று எக்பாஸ்டனில் தொடங்கும் என அறிவிக்கப்பட்டுள்ளது. ஜூலை 17 அன்று இந்திய அணியின் இங்கிலாந்துச் சுற்றுப்பயணம் நிறைவடைகிறது. 

    இந்நிலையில் இங்கிலாந்துடன் விளையாடுவதற்கு முன்பு அயர்லாந்துக்குச் சென்று இரு டி20 ஆட்டங்களில் இந்திய அணி பங்கேற்கிறது. இந்தியா - அயர்லாந்து அணிகள் மோதும் இரு ஆட்டங்கள் கொண்ட டி20 தொடரின் அட்டவணை அதிகாரபூர்வமாக வெளியிடப்பட்டுள்ளது.

    அயர்லாந்தில் இந்திய அணி

    ஜூன் 26 - முதல் டி20, மலாஹைட்
    ஜூன் 28, - 2-வது டி20, மலாஹைட்

    டி20 தொடர் முடிந்த அடுத்தச் சில நாள்களில் இங்கிலாந்துக்கு எதிரான டெஸ்ட் தொடங்கவுள்ளதால் அயர்லாந்துக்கு எதிரான டி20 தொடரில் இந்திய டெஸ்ட் அணி வீரர்கள் யாரும் இடம்பெற மாட்டார்கள் என அறியப்படுகிறது. இதனால் புதிய வீரர்கள் பலருக்கும் வாய்ப்பு கிடைக்கும் சந்தர்ப்பம் ஏற்பட்டுள்ளது. 


    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    • அதிகம்
      படிக்கப்பட்டவை
    • அதிகம் பகிரப்பட்டவை
    kattana sevai
    flipboard facebook twitter whatsapp