Enable Javscript for better performance
Mitchell Starc becomes the fastest bowler to complete 200 wickets in ODI- Dinamani

உடனுக்கு உடன் செய்திகள்

    பாகிஸ்தான் வீரரின் சாதனையை முறியடித்த மிட்செல் ஸ்டார்க்

    By DIN  |   Published On : 03rd September 2022 03:38 PM  |   Last Updated : 03rd September 2022 03:38 PM  |  அ+அ அ-  |  

    starc_LIB_PTIJUL134_16-08-2019_20_6_36_09238900xx

     

    ஒருநாள் கிரிக்கெட்டில் குறைவான ஆட்டங்களில் 200 விக்கெட்டுகளை எடுத்த வீரர் என்கிற சாதனையைப் படைத்துள்ளார் ஆஸ்திரேலிய வேகப்பந்து வீச்சாளர் மிட்செல் ஸ்டார்க்.

    ஆஸ்திரேலியாவுக்கு எதிரான 3-வது ஒருநாள் ஆட்டத்தை வென்று வரலாறு படைத்துள்ளது ஜிம்பாப்வே அணி. ஜிம்பாப்வே அணி ஆஸ்திரேலியாவுக்குச் சுற்றுப்பயணம் செய்து 3 ஒருநாள் ஆட்டங்களில் விளையாடியது. முதல் இரு ஆட்டங்களை எளிதாக வென்று தொடரை வென்றது ஆஸி. அணி. 3-வது ஒருநாள் ஆட்டத்தில் முழு பலம் கொண்ட ஆஸி. அணி எதிர்பாராதவிதமாக 31 ஓவர்களில் 141 ரன்களுக்கு அனைத்து விக்கெட்டுகளையும் இழந்தது. டேவிட் வார்னர் மட்டும் சிறப்பாக பேட்டிங் செய்து 94 ரன்கள் எடுத்தார். 28 வயது சுழற்பந்து வீச்சாளர் ரையன் பர்ல், 5 விக்கெட்டுகளை வீழ்த்தி அசத்தினார். எளிதான இலக்கை விரட்ட ஜிம்பாப்வே தடுமாறினாலும் 39 ஓவர்களில் 7 விக்கெட் இழப்புக்கு 142 ரன்கள் எடுத்து மகத்தான வெற்றியை அடைந்தது. இதன்மூலம் ஆஸ்திரேலிய மண்ணில் முதல்முறையாக ஆஸ்திரேலிய அணியை ஜிம்பாப்வே அணி தோற்கடித்து வரலாறு படைத்துள்ளது. 1992-ல் முதல்முறையாக ஆஸ்திரேலியாவில் விளையாடிய ஜிம்பாப்வே, 30 வருடங்கள் கழித்து மீண்டும் விளையாட வந்து முதல் வெற்றியை அடைந்துள்ளது.   

    இந்த ஆட்டத்தில் ஆஸ்திரேலிய வேகப்பந்து வீச்சாளர் மிட்செல் ஸ்டார்க், 8 ஓவர்கள் வீசி 1 விக்கெட் எடுத்தார். இதன்மூலம் புதிய சாதனையை அவர் நிகழ்த்தியுள்ளார்.

    ஒருநாள் கிரிக்கெட்டில் குறைவான ஆட்டங்களில் 200 விக்கெட்டுகளை எடுத்தவர் என்கிற பாகிஸ்தான் வீரர் சக்லைன் முஸ்டாக்கின் சாதனையை முறியடித்துள்ளார் மிட்செல் ஸ்டார்க். 1995-ல் 104 ஒருநாள் ஆட்டங்களில் 200 விக்கெட்டுகளை எடுத்து சாதனை படைத்தார் சக்லைன் முஸ்டாக். தற்போது 102 ஒருநாள் ஆட்டங்களில் 200 விக்கெட்டுகளை எடுத்துள்ளார் ஸ்டார்க். 

    குறைந்த ஆட்டங்களில் 200 விக்கெட்டுகள்

    102 ஆட்டங்கள் - ஸ்டார்க் 
    104 - சக்லைன் முஸ்டாக் 
    112 - பிரெட் லீ 

    குறைந்த பந்துகளில் 200 ஒருநாள் விக்கெட்டுகள்

    5240 பந்துகள் - ஸ்டார்க் 
    5457  பந்துகள் - சக்லைன் முஸ்டாக் 
    5640  பந்துகள் - பிரெட் லீ 

    ஒருநாள் கிரிக்கெட்: மிட்செல் ஸ்டார்க்

    ஆட்டங்கள் - 102
    விக்கெட்டுகள் - 200
    சிறந்த பந்துவீச்சு - 6/28
    சராசரி - 22.32
    ஸ்டிரைக் ரேட் - 26.23
    எகானமி - 5.11
    5 விக்கெட்டுகள் - 8
     


    TAGS
    Starc ODI

    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    • அதிகம்
      படிக்கப்பட்டவை
    • அதிகம் பகிரப்பட்டவை
    kattana sevai
    flipboard facebook twitter whatsapp