டெஸ்ட் கிரிக்கெட்டில் அதிக சிக்ஸர்கள் அடித்த வீரர்களில் முதலிடத்தைப் பிடித்துள்ளார் இங்கிலாந்து கேப்டன் பென் ஸ்டோக்ஸ்.
நியூசிலாந்துக்கு எதிரான முதல் டெஸ்டில் முதல் இன்னிங்ஸில் 19 ரன்களும் 2-வது இன்னிங்ஸில் 2 சிக்ஸர்கள் உள்பட 31 ரன்களும் எடுத்தார் ஸ்டோக்ஸ். இதன்மூலம் டெஸ்ட் கிரிக்கெட்டில் அதிக சிக்ஸர்கள் அடித்த வீரர்களில் முதலிடத்தைப் பிடித்துள்ளார்.
இதற்கு முன்பு 101 டெஸ்டுகளில் 107 சிக்ஸர்கள் அடித்து முதலிடத்தில் இருந்தார் நியூசிலாந்து முன்னாள் வீரரும் தற்போதைய இங்கிலாந்துத் தலைமைப் பயிற்சியாளருமான மெக்குல்லம். தற்போது 109 சிக்ஸர்களுடன் முதலிடத்துக்கு முன்னேறியுள்ளார் ஸ்டோக்ஸ். 100 சிக்ஸர்களுடன் 3-வது இடத்தில் உள்ளார் கில்கிறிஸ்ட். இந்திய வீரர்களில் 91 சிக்ஸர்களுடன் முதலிடத்தில் உள்ளார் சேவாக்.
டெஸ்ட்: அதிக சிக்ஸர்கள்
1. ஸ்டோக்ஸ் - 109 சிக்ஸர்கள்
2. மெக்குல்லம் - 107 சிக்ஸர்கள்
3. கில்கிறிஸ்ட் - 100 சிக்ஸர்கள்