ஆண்டர்சன்: 40 வயதில் நெ.1 பந்துவீச்சாளர்!

டெஸ்ட் கிரிக்கெட்டில் பந்துவீச்சாளர்களுக்கான தரவரிசையில் முதலிடத்துக்கு முன்னேறியுள்ளார் இங்கிலாந்து வீரர் ஜேம்ஸ் ஆண்டர்சன்.

நியூசிலாந்துக்கு எதிரான முதல் டெஸ்டில் வெற்றி பெற்றது இங்கிலாந்து அணி. இந்த டெஸ்டில் 7 விக்கெட்டுகள் எடுத்து அசத்தினார் 40 வயது வேகப்பந்து வீச்சாளர் ஆண்டர்சன். இதையடுத்து கடந்த நான்கு வருடங்களாக டெஸ்ட் கிரிக்கெட்டில் பந்துவீச்சாளர்களுக்கான தரவரிசையில் முதலிடத்தில் இருந்த ஆஸி. கேப்டன் பேட் கம்மின்ஸைப் பின்னுக்குத் தள்ளி முதலிடம் பிடித்துள்ளார் ஆண்டர்சன். 

தரவரிசையில் 2-ம் இடத்தில் அஸ்வினும் 3-ம் இடத்தில் கம்மின்ஸும் உள்ளார்கள். நெ.1 இடத்தை 6-வது முறையாகப் பெற்றுள்ளார் ஆண்டர்சன். கடைசியாக 2018-ல் ஐந்து மாதங்களுக்கு முதலிடத்தில் இருந்தார். டெஸ்ட் கிரிக்கெட்டில் 682 விக்கெட்டுகள் எடுத்துள்ளார். 

1936-ல் கிளாரி கிரிம்மெட் 44 வயதில் தரவரிசையில் முதலிடம் அடைந்தார். அதன்பிறகு 40 வயதில் முதலிடத்தைப் பெற்ற பந்துவீச்சாளர் என்கிற சாதனையை நிகழ்த்தியுள்ளார் ஆண்டர்சன். 

வெங்கடேஷ் பிரசாத் - ஆகாஷ் சோப்ரா மோதலாக மாறிய கே.எல். ராகுல் விவகாரம்!

டபிள்யூபிஎல் விளம்பரதாரர்: பிசிசிஐ அறிவிப்பு

நாடு திரும்பும் மற்றொரு ஆஸி. வீரர்!