இந்தியாவுக்கு எதிரான டி20 தொடரில் விளையாடவுள்ள நியூசிலாந்து அணி இன்று அறிவிக்கப்பட்டுள்ளது.
பாகிஸ்தான் தொடருக்குப் பிறகு கேன் வில்லியம்சன், டிம் செளதி ஆகிய இருவரும் ஓய்வு எடுத்துக்கொள்வதால் மிட்செல் சான்ட்னர் இந்திய டி20 தொடரில் கேப்டனாக நியமிக்கப்பட்டுள்ளார். காயம் காரணமாக கைல் ஜேமிசன், மேட் ஹென்றி, ஆடம் மில்ன், பென் சியர்ஸ் ஆகியோர் இடம்பெறவில்லை. பென் லிஸ்டர் என்கிற 27 வயது வேகப்பந்து வீச்சாளர் முதல்முறையாக நியூசி. அணியில் சேர்க்கப்பட்டுள்ளார். இந்தியாவுக்கு எதிரான ஒருநாள் தொடரில் டாம் லதம் கேப்டனாகச் செயல்படவுள்ளார். இதற்கு முன்பு 11 டி20 ஆட்டங்களில் நியூசிலாந்தின் கேப்டனாக சான்ட்னர் செயல்பட்டுள்ளார்.
இந்தியா - நியூசிலாந்து அணிகள் விளையாடும் ஒருநாள் தொடர் ஜனவரி 18 அன்றும் டி20 தொடர் ஜனவரி 27 அன்றும் தொடங்கவுள்ளன.
நியூசிலாந்து அணி
மிட்செல் சான்ட்னர், (கேப்டன்), ஃபின் ஆலன், மைக்கேல் பிரேஸ்வெல், மார்க் சாப்மேன், டேன் கிளவர், கான்வே, ஜகோப் டஃபி, லாகி ஃபர்குசன், பென் லிஸ்டர், டேரில் மிட்செல், கிளென் பிளிப்ஸ், மைக்கேல் ரிப்பன், ஹென்றி ஷிப்லி, இஷ் சோதி, பிளைர் டிக்னர்.
தினமணி செய்திமடலைப் பெற... Newsletter
தினமணி'யை வாட்ஸ்ஆப் சேனலில் பின்தொடர... WhatsApp
தினமணியைத் தொடர: Facebook, Twitter, Instagram, Youtube, Telegram, Threads, Arattai, Google News
உடனுக்குடன் செய்திகளை அறிய தினமணி App பதிவிறக்கம் செய்யவும்.