சர்வதேச கிரிக்கெட்டில் ரோஹித் சர்மாவின் புதிய சாதனை!

சர்வதேச கிரிக்கெட்டில் 17,000 ரன்களை எட்டிய 7-வது இந்திய வீரர் என்கிற பெருமையை அடைந்துள்ளார் ரோஹித் சர்மா.

ஆஸ்திரேலியாவுக்கு எதிரான டெஸ்ட் தொடரில் 2-1 என முன்னிலை வகிக்கிறது இந்திய அணி. இந்தூரில் நடைபெற்ற 3-வது டெஸ்டை ஆஸ்திரேலியா வென்றது. 4-வது டெஸ்ட் ஆமதாபாத்தில் வியாழன் அன்று தொடங்கியது. 

ஆஸ்திரேலிய அணி முதல் இன்னிங்ஸில் 167.2 ஓவர்களில் 480 ரன்கள் எடுத்தது. கவாஜா 180, கிரீன் 114 ரன்கள் எடுத்தார்கள். அஸ்வின் 6 விக்கெட்டுகளை வீழ்த்தினார். இந்திய அணி தனது முதல் இன்னிங்ஸை இன்று விளையாடி வருகிறது.

இந்திய அணி கேப்டன் ரோஹித் சர்மா, 58 பந்துகளில் 1 சிக்ஸர், 3 பவுண்டரிகளுடன் 35 ரன்கள் எடுத்து ஆட்டமிழந்தார். இதன்மூலம் சர்வதேச கிரிக்கெட்டில் 17,000 ரன்களைக் கடந்த 7-வது இந்திய வீரர் என்கிற பெருமையை அடைந்துள்ளார். 

சர்வதேச கிரிக்கெட்டில் அதிக ரன்கள்: இந்தியர்கள்

1) சச்சின் - 34357 
2) கோலி - 25047 
3) டிராவிட் - 24208 
4) கங்குலி - 18575 
5) தோனி - 17266
6) சேவாக் - 17253 
7) ரோஹித் சர்மா - 17014