மும்பைக்கு எதிராக பந்துவீச்சை தேர்வு செய்த குஜராத் டைட்டன்ஸ்!

ஐபிஎல் தொடரின் இன்றைய ஆட்டத்தில் மும்பை இந்தியன்ஸ் மற்றும் குஜராத் டைட்டன்ஸ் அணிகள் மோதுகின்றன.

இந்த இரு அணிகளுக்கும் இடையிலான போட்டி மும்பை வான்கடே மைதானத்தில் நடைபெறுகிறது. இந்தப் போட்டியில் டாஸ் வென்ற குஜராத் டைட்டன்ஸ் அணியின் கேப்டன் ஹார்திக் பாண்டியா பந்துவீச்சை தேர்வு செய்தார்.

இதனையடுத்து, மும்பை இந்தியன்ஸ் முதலில் பேட் செய்கிறது. 

இதுவரை இரண்டு முறை குஜராத் டைட்டன்ஸ் மற்றும் மும்பை இந்தியன்ஸ் அணிகள் நேருக்கு நேர் மோதியுள்ளன. அதில் மும்பை இந்தியன்ஸ் ஒருமுறையும், குஜராத் அணி ஒரு முறையும் வெற்றி பெற்றுள்ளது.

இன்றையப் போட்டி பிளே ஆஃப் சுற்றுக்குத் தகுதி பெற மும்பை இந்தியன்ஸ் அணிக்கு மிக முக்கியமான போட்டி என்பது குறிப்பிடத்தக்கது.