ஐபிஎல் லீக் போட்டியில் 62வது ஆட்டமாக சன் ரைசர்ஸ் ஹைதராபாத் அணியுடன் குஜராத் மோதுகிறது. இந்தப் போட்டியில் குஜராத் அணி ஊதா நிற ஜெர்ஸியில் விளையாட உள்ளது. புற்றுநோய் குறித்த விழிப்புணர்வை ஏற்படுத்த இவ்வாறு விளையாட உள்ளதாக அணி நிர்வாகம் தெரிவித்துள்ளது.
புள்ளிப்பட்டியலில் முதல் இடத்தில் இருக்கும் குஜராத் அணியுடன் 9வது இடத்தில் இருக்கும் ஹைதராபாத் அணியும் மோதுகிறது. ஹைதரபாத் அணி வென்றாலும் ப்ளே- ஆஃப் செல்வதற்கான வாய்ப்புகள் மிகவும் குறைவு.
ஹைதராபாத் அணியில் க்ளென் பிலிப்ஸ்க்கு பதிலாக மார்கோ ஜான்சன் அணியில் சேர்க்கப்பட்டுள்ளார்.
குஜராத் அணியில் ஷானகா, சாய் சுதர்ஷன், யஷ் தயாள் (மாற்று வீரர்) ஆகியோர் அணியில் சேர்க்கப்பட்டுள்ளார்கள்.