திடீரென சிலருக்கு அவர்களை சுற்றி இருக்கும் மனிதர்கள் மற்றும் பொருட்கள் சுற்றுவது போல இருக்கும். இதற்கு வெர்டிகோ என்று பெயர். ஸ்டீவ் ஸ்மித்துக்கு இந்தப் பிரச்னை உள்ளதாக நேற்று செய்தி வெளியாகியது.
இது குறித்து ஓய்வறையில் இருந்து ஸ்மித், “கடைசி நாளில் இருந்து எனக்கு சில நேரங்களில் வெர்டிகோ பிரச்னை ஏற்பட்டது. இது சிறிது அசௌகரியத்தை ஏற்படுத்தியுள்ளது. எல்லாம் சரியாகுமென நம்புகிறேன். ஆனால் இங்கிருப்பது சரியான இடமாக தோன்றவில்லை. நான் நன்றாக இருப்பதாக நினைக்கிறேன். ஆனால் சிறப்பாக இருப்பதாக உணரவில்லை. இங்கிருப்பது விளையாட்டாக எடுத்துக் கொள்ளவில்லை. ஆனால் நிச்சயமாக பயிற்சியில் எடுபடுவேன்” எனக் கூறியிருந்தார்.
இந்நிலையில் ஸ்மித் உடல்நிலை சரியில்லாத காரணத்தினால் இன்றைய போட்டியில் விளையாடமாட்டார் என பாட் கம்மின்ஸ் தெரிவித்துள்ளார்.
அணியில் இரு மாற்றங்கள்: ஸ்மித், கேம்ரூன் கிரீன்க்கு பதிலாக மிட்செல் மார்ஷ், டிராவிஸ் ஹெட் .
உலகக் கோப்பையில் ஆஸ்திரேலியாவுக்கு எதிராக டாஸ் வென்ற ஆப்கானிஸ்தான் அணி முதலில் பேட்டிங் தேர்வு செய்துள்ளது. 14 ஒவர் முடிவில் ஆப்கானிஸ்தான் 68/1 ரன்கள் எடுத்துள்ளது. குர்பாஜ் 21 ரன்களுக்கு ஆட்டமிழக்க இப்ரஹிம் 40*, ரஹமத் ஷா 6* ரன்களுடன் விளையாடி வருகிறார்கள்.
இந்தப் போட்டியில் ஆஸ்திரேலியா வெற்றிபெறும் பட்சத்தில் அரையிறுதிக்கு தகுதி பெறும். ஆப்கானிஸ்தான் வெற்றி பெற்றால் அரையிறுதிக்கு முன்னேறுவதற்கான வாய்ப்பை தக்கவைத்துக் கொள்ளும் என்பது குறிப்பிடத்தக்கது.