அடுத்த ஆண்டு நடைபெறவுள்ள டி20 உலகக் கோப்பைத் தொடருக்கு நமீபியா தகுதி பெற்றதாக ஐசிசி தெரிவித்துள்ளது.
ஐசிசி நடத்தும் டி20 உலகக் கோப்பைத் தொடர் அடுத்த ஆண்டு அமெரிக்கா மற்றும் மேற்கிந்தியத் தீவுகளில் நடைபெறவுள்ளது. போட்டிகள் ஜூன் 4 முதல் தொடங்கி 30 ஆம் தேதி வரை நடைபெறவுள்ளது. 20 அணிகள் பங்கேற்கும் இந்த டி20 தொடரில் ஏற்கனவே 12 அணிகள் தகுதி பெற்றுவிட்டநிலையில், ஆப்பிரிக்காவில் இருந்து நமீபியா டி20 உலகக் கோப்பைக்குத் தகுதி பெற்றுள்ளது.
டி20 உலகக் கோப்பையில் விளையாடுவதற்கான வாய்ப்பினைப் பெறும் தகுதிப் போட்டிகள் ஆப்பிரிக்காவில் நடைபெற்று வருகிறது. இந்தப் போட்டியில் புள்ளிப்பட்டியலில் முதல் இரண்டு இடங்களைப் பிடிக்கும் அணிகள் அடுத்த ஆண்டு டி20 உலகக் கோப்பையில் பங்குபெற தகுதியடையும். இந்த தகுதிப் போட்டியில் 5 வெற்றிகளைப் பெற்று 10 புள்ளிகளுடன் +2.643 என்ற நல்ல ரன் ரேட்டுடன் வலுவாக உள்ள நமீபியா தகுதி பெற்றுள்ளது.
இதையும் படிக்க: விராட் கோலி ஆட்டமிழந்தபோது நூலகமாக மாறிய மைதானம்: பாட் கம்மின்ஸ்
உலகக் கோப்பை டி20 தொடரில் பங்கேற்க நடைபெறும் தகுதிப் போட்டியில் இரண்டாவது இடத்தைப் பிடித்து உலகக் கோப்பைப் போட்டிக்குத் தகுதி பெறும் போட்டியில் உகாண்டா, கென்யா, ஜிம்பாப்வே, நைஜீரியா போன்ற அணிகள் உள்ளது குறிப்பிடத்தக்கது.