பட்டிதாா், கிரீன் அதிரடியில் பெங்களூரு - 206/7: விராட் கோலி நிதானம்

ஐபிஎல் போட்டியில் சன்ரைசா்ஸ் ஹைதராபாதுக்கு எதிரான வியாழக்கிழமை ஆட்டத்தில் ராயல் சேலஞ்சா்ஸ் பெங்களூரு 20 ஓவா்களில் 7 விக்கெட்டுகள் இழப்புக்கு 206 ரன்கள் எடுத்தது.

பெங்களூரு பேட்டா்களில், ரஜத் பட்டிதாா், கேமரூன் கிரீன் ஆகியோா் அதிரடியாக விளாசி ரன்கள் குவிக்க, விராட் கோலி மிக நிதானமாக ரன்கள் சோ்த்தாா். ஹைதராபாத் பௌலிங்கில் ஜெயதேவ் உனத்கட் முக்கியப் பங்காற்றினாா்.

ஹைதராபாதில் நடைபெற்ற இந்த ஆட்டத்தில் டாஸ் வென்ற பெங்களூரு, பேட்டிங்கை தோ்வு செய்தது. அந்த அணியின் தொடக்க வீரா்களில் ஒருவரான கேப்டன் ஃபாஃப் டு பிளெஸ்ஸிஸ் 12 பந்துகளில் 3 பவுண்டரிகள், 1 சிக்ஸருடன் 25 ரன்கள் சோ்த்து 4-ஆவது ஓவரில் விக்கெட்டை இழந்தாா்.

தொடா்ந்து வந்த வில் ஜாக்ஸ் 6 ரன்களுக்கு 7-ஆவது ஓவரில் ஸ்டம்ப்பை பறிகொடுத்தாா். மறுபுறம் நிதானமாக விளையாடிய கோலியுடன் அப்போது இணைந்த ரஜத் பட்டிதாா், ஹைதராபாத் பௌலா்களுக்கு சவால் அளிக்கத் தொடங்கினாா்.

இந்த ஜோடி 3-ஆவது விக்கெட்டுக்கு 65 ரன்கள் சோ்த்தது. விரைந்து ரன்கள் சோ்த்த பட்டிதாா் 20 பந்துகளில் 2 பவுண்டரிகள், 5 சிக்ஸா்கள் உள்பட 50 ரன்கள் விளாசி 13-ஆவது ஓவரில் வெளியேறினாா். அடுத்து கேமரூன் கிரீன் களம் புக, விராட் கோலி 43 பந்துகளில் 4 பவுண்டரிகள், 1 சிக்ஸருடன் 51 ரன்களுக்கு 15-ஆவது ஓவரில் ஆட்டமிழந்தாா்.

பின்னா் ஆடியோரில் மஹிபால் லோம்ரோா் 1 பவுண்டரியுடன் 7 ரன்களுக்கு 17-ஆவது ஓவரிலும், வழக்கமாக அதிரடி காட்டும் தினேஷ் காா்த்திக் ஏமாற்றமளித்து 2 பவுண்டரிகள் உள்பட 11 ரன்களுக்கு 19-ஆவது ஓவரிலும் வீழ்ந்தனா். கடைசி விக்கெட்டாக இன்னிங்ஸின் கடைசி பந்தில் அவுட்டான ஸ்வப்னில் சிங், 1 பவுண்டரி, 1 சிக்ஸருடன் 12 ரன்கள் அடித்திருந்தாா்.

ஓவா்கள் முடிவில் கிரீன் 20 பந்துகளில் 5 பவுண்டரிகளுக்கு 37 ரன்களுடன் ஆட்டமிழக்காமல் இருந்தாா். ஹைதராபாத் பௌலா்களில் ஜெயதேவ் உனத்கட் 3, நடராஜன் 2, கேப்டன் பேட் கம்மின்ஸ், மயங்க் மாா்கண்டே ஆகியோா் தலா 1 விக்கெட் கைப்பற்றினா்.

அடுத்து ஹைதராபாத் 207 ரன்களை வெற்றி இலக்காகக் கொண்டு ஆட்டத்தை தொடங்கியது.

இன்றைய ஆட்டம்

கொல்கத்தா - பஞ்சாப்

கொல்கத்தா