சதம் விளாசிய அபிஷேக் சர்மா படைத்த சாதனைகள் என்ன?

ஜிம்பாப்வேவுக்கு எதிரான 2-வது டி20 போட்டியில் அதிரடியான ஆட்டத்தை வெளிப்படுத்திய அபிஷேக் சர்மா சதம் விளாசி அசத்தினார்.

இந்தியா மற்றும் ஜிம்பாப்வே அணிகளுக்கு இடையேயான 2-வது டி20 போட்டி இன்று (ஜூலை 7) நடைபெற்று வருகிறது. இந்தப் போட்டியில் முதலில் பேட் செய்த இந்திய அணி 2 விக்கெட்டுகள் இழப்புக்கு 234 ரன்கள் குவித்தது.

அதிரடியாக விளையாடிய அபிஷேக் சர்மா 46 பந்துகளில் சதம் விளாசி அசத்தினார். அவர் 47 பந்துகளில் 100 ரன்கள் எடுத்து ஆட்டமிழந்தார். அதில் 7 பவுண்டரிகள் மற்றும் 8 சிக்ஸர்கள் அடங்கும்.

இன்றையப் போட்டியில் சதம் விளாசியதன் மூலம் சர்வதேச டி20 போட்டிகளில் இந்திய அணிக்காக சில சாதனைகளை அபிஷேக் சர்மா படைத்துள்ளார். அவை பின்வருமாறு:

குறைந்த இன்னிங்ஸ்களில் சர்வதேச டி20 போட்டிகளில் சதம் விளாசிய இந்திய வீரர்கள்

அபிஷேக் சர்மா - 2 இன்னிங்ஸ்கள்

தீபக் ஹூடா - 3 இன்னிங்ஸ்கள்

கே.எல்.ராகுல் - 4 இன்னிங்ஸ்கள்

சர்வதேச டி20 போட்டிகளில் இளம் வயதில் சதம் விளாசிய இந்திய வீரர்கள்

யஷஸ்வி ஜெய்ஸ்வால் - 21 வயது 279 நாள்கள் - நேபாளத்துக்கு எதிராக, 2023

ஷுப்மன் கில் - 23 வயது 146 நாள்கள் - நியூசிலாந்துக்கு எதிராக, 2023

சுரேஷ் ரெய்னா - 23 வயது 156 நாள்கள் - தென்னாப்பிரிக்காவுக்கு எதிராக, 2010

அபிஷேக் சர்மா - 23 வயது 307 நாள்கள்- ஜிம்பாப்வேவுக்கு எதிராக, 2024

சர்வதேச டி20 போட்டிகளில் அதிவேகமாக சதம் விளாசிய இந்திய வீரர்கள்

ரோஹித் சர்மா - 35 பந்துகளில் - இலங்கைக்கு எதிராக, 2017

சூர்யகுமார் யாதவ் - 45 பந்துகளில் - இலங்கைக்கு எதிராக, 2023

கே.எல்.ராகுல் - 46 பந்துகளில் - மே.இ.தீவுகளுக்கு எதிராக, 2016

அபிஷேக் சர்மா - 46 பந்துகளில் - ஜிம்பாப்வேவுக்கு எதிராக, 2024

முதல் இந்திய வீரர்

சர்வதேச டி20 போட்டிகளில் ஜிம்பாப்வேவுக்கு எதிராக சதம் விளாசிய முதல் இந்திய வீரர் அபிஷேக் சர்மா என்பது குறிப்பிடத்தக்கது.