4-வது டி20: இந்தியா பந்துவீச்சு; துஷார் தேஷ்பாண்டே அறிமுகம்!

ஜிம்பாப்வேவுக்கு எதிரான 4-வது டி20 போட்டியில் டாஸ் வென்ற இந்திய அணி பந்துவீச்சைத் தேர்வு செய்துள்ளது.

இந்தியா மற்றும் ஜிம்பாப்வே அணிகளுக்கு இடையிலான 4-வது டி20 போட்டி இன்று நடைபெறுகிறது. இந்தப் போட்டியில் டாஸ் வென்ற இந்திய அணியின் கேப்டன் ஷுப்மன் கில் பந்துவீச்சைத் தேர்வு செய்துள்ளார். இதனையடுத்து, ஜிம்பாப்வே முதலில் பேட் செய்கிறது.

இந்திய அணியில் துஷார் தேஷ்பாண்டே அறிமுக வீரராக களமிறங்குகிறார். இன்றையப் போட்டியில் ஆவேஷ் கான் அணியில் இல்லை.

5 போட்டிகள் கொண்ட டி20 தொடரில் இந்திய அணி 2-1 என்ற கணக்கில் முன்னிலையில் இருப்பதால், இன்றையப் போட்டியில் வெற்றி பெற்று தொடரைக் கைப்பற்றும் முனைப்போடு இந்திய அணி களம் காண்கிறது.