சென்னை கிராண்ட்மாஸ்டா்ஸ் செஸ்: விதித் குஜராத்தி 2-ஆவது தோல்வி, அா்ஜுன் ஆட்டம் டிரா

சென்னை கிராண்ட்மாஸ்டா்ஸ் செஸ் போட்டியின் இரண்டாவது நாளான புதன்கிழமை விதித் குஜராத்தி இரண்டாவது தோல்வியை சந்தித்தாா். அா்ஜுன் எரிகைசி, வைஷாலி-ரவுனக் சத்வானி ஆட்டங்கள் டிராவில் முடிந்தன.

செஸ் பேஸ் இந்தியா, எம்ஜிடி 1, தமிழ்நாடு விளையாட்டு மேம்பாட்டு ஆணையம் சாா்பில் நடைபெறும் இப்போட்டியில் புதன்கிழமை முதல் போா்டில் ஈரானின் அமீன் தபதாபேயி, சொ்பியாவின் அலெக்ஸி சரானா மோதிய ஆட்டத்தில் அமீன் தபதாபேயி 45-வது நகா்த்தலின் போது வெற்றி கண்டாா்.

2-ஆவது போா்டில் இந்தியாவின் அா்ஜுன் எரிகைசி, அமெரிக்காவின் லெவோன் ஆரோனியன் மோதிய ஆட்டம், 36-ஆவது நகா்த்தலின் போது டிராவில் முடிவடைந்தது.

3-வது போா்டில் இந்தியாவின் விதித் குஜராத்தி, ஈரானின் பா்ஹாம் மக்சூட்லூ மோதிய ஆட்டத்தில் 45-ஆவது நகா்த்தலின் போது விதித் குஜராத்தி தோல்வி அடைந்தாா்.

4-ஆவது போா்டில் இந்தியாவின் அரவிந்த் சிதம்பரம், பிரான்ஸின் மாக்சிம் வாச்சியா் லாக்ரேவ் ஆட்டம் 23-ஆவது நகா்த்தலின்போது டிராவில் முடிந்தது.

2 சுற்றுகளின் முடிவில் மாக்சிம் வாச்சியா் லாக்ரேவ், அமீன் தபதாபேயி, அா்ஜுன் எரிகைசி ஆகியோா் தலா 1.5 புள்ளிகளுடன் முதலிடத்திலும், அரவிந்த் சிதரம்பரம், லெவோன் ஆரோனியன், பா்ஹாம் மக்சூட்லூ ஆகியோா் தலா ஒரு புள்ளியுடன் முறையே 4 முதல் 6-வது இடங்களில் உள்ளனா். அலெக்ஸி சரானா 0.5 புள்ளிகளுடன் 7-வது இடத்தில் உள்ளாா். விதித் குஜ்ராத்தி இன்னும் புள்ளி கணக்கை தொடங்கவில்லை.

வியாழக்கிழமை 3-ஆவது சுற்றில் அமீன் தபதாபேயி, மாக்சிம் வாச்சியா் லாக்ரேவும், விதித் குஜராத்தி-அரவிந்த் சிதம்பரமும், லெவோன் ஆரோனியன்-பா்ஹாம் மக்சூட்லூவும், அா்ஜுன் எரிகைசி- அலெக்ஸி சரானாவும் மோதுகின்றனா்.

வைஷாலி-ரவுனக் ஆட்டம் டிரா:

சேலஞ்சா்ஸ் பிரிவில் முதல் போா்டில் லியோன் மெண்டோன்கா- ஹரிகா துரோணவல்லி மோதிய ஆட்டத்தில் 44-ஆவது நகா்த்தலின் போது ஹிரிகா அதிா்ச்சி தோல்வி அடைந்தாா். ஹரிகாவுக்கு இது 2-வது தோல்வியாக அமைந்தது.

2-ஆவது போா்டில் அபிமன்யு புராணிக்-பிரணவ் ஆட்டத்தில் 39-ஆவது நகா்த்தலில் பிரணவ் வென்றாா்.

காா்த்திக்கேயன் முரளி- பிரனேஷ ஆட்டம் 33-ஆவது நகா்த்தலின் போது டிரா ஆனது. ஆா்.வைஷாலி, ரவுனக் சத்வானி ஆட்டமும் 30-ஆவது காய் நகா்த்தலின் போது டிரா ஆனது.

2 சுற்றுகளின் முடிவில் பிரணவ், லியோன் மெண்டோன்கா ஆகியோா் தலா 2 புள்ளிகளுடன் முதலிடத்திலும், ரவுனக் சத்வானி 1.5 புள்ளிகளுடன் 3-வது இடத்திலும், அபிமன்யு புராணிக் 1 புள்ளியுடன் 4-ஆவது இடத்திலும், வைஷாலி 0.5 புள்ளியுடன் 5-ஆவது இடத்திலும், பிரணேஷ் 6-ஆவது இடத்திலும், காா்த்திக்கேயன் முரளி 7-ஆவது இடத்திலும் உள்ளனா்.

சேலஞ்சா்ஸ் பிரிவில் 3-வது சுற்றில் ரவுனக் சத்வானி-லியோன் மெண்டோன்கா, ஆா்.வைஷாலி-பிரனேஷ், காா்த்திகேயன் முரளி-பிரணவ், ஹரிகா-அபிமன்யு புராணி மோதுகின்றனா்.