உலக செஸ் சாம்பியன்ஷிப்: முதல் வெற்றியை பதிவு செய்த குகேஷ்..!

உலக செஸ் சாம்பியன்ஷிப் போட்டியின் 3-ஆவது சுற்றில் இந்தியாவின் டி.குகேஷ் - நடப்பு சாம்பியனான சீனாவின் டிங் லிரெனை புதன்கிழமை வென்றாா்.

போட்டியில் குகேஷுக்கு இது முதல் வெற்றியாகும். முதல் சுற்றில் தோல்வி, அடுத்த சுற்றில் டிரா, இந்த சுற்றில் வெற்றி என குகேஷ் படிப்படியாக முன்னேற்றம் காட்டி வருகிறாா். இந்த வெற்றியின் மூலம் புள்ளிகள் கணக்கில் இருவரும் தலா 1.5 புள்ளிகளுடன் சமநிலையில் உள்ளனா்.

இந்தச் சுற்றில் வெள்ளை நிறக் காய்களுடன் விளையாடிய குகேஷின் தயாா்நிலை அவருக்குக் கைகொடுத்தது. லிரென் தனது கருப்பு நிற காய் நகா்த்தல்களை மேற்கொள்ள அதிக நேரம் எடுத்துக் கொண்டாா். 13-ஆவது நகா்த்தல் முடிவில், குகேஷ் 4 நிமிஷங்களே செலவழித்திருக்க, லிரெனோ 1 மணி நேரம், 6 நிமிஷங்களை இழந்திருந்தாா்.

லிரெனின் சில தவிா்க்கப்பட்டிருக்கக் கூடிய தவறுகள், குகேஷுக்கு சாதகமாக அமைந்தன. லிரென் கடைசி 6 நகா்த்தல்களை மேற்கொள்ள அவருக்கு 6 விநாடிகளே எஞ்சியிருந்தன. இந்த நேரமின்மை காரணமாக, 37-ஆவது நகா்த்தலில் லிரெனின் அவகாசம் நிறைவடைய, குகேஷ் வெற்றியுடன் சுற்று நிறைவடைந்தது.

வெற்றிக்குப் பிறகு பேசிய குகேஷ், ‘இந்த வெற்றி அருமையானது. கடந்த இரு நாள்களுடன் ஒப்பிடுகையில் இந்த ஆட்டத்தை சிறப்பாகவே கையாண்டேன்’ என்றாா். போட்டியில், 4-ஆவது நாளான வியாழக்கிழமை ஓய்வுநாளாக இருக்க, 4-ஆவது சுற்று வெள்ளிக்கிழமை (நவ. 29) நடைபெறவுள்ளது. அதில் குகேஷ் கருப்பு நிற காய்களுடனும், லிரென் வெள்ளை நிறத்துடனும் மோதவுள்ளனா்.

போட்டியில் முதலில் 7.5 புள்ளிகளைப் பெறுபவா் சாம்பியனாவாா்.