செய்தி மடல்
இ-பேப்பர்
டி20 போட்டிகளில் தனது அணுகுமுறையில் ஏற்பட்ட மாற்றத்துக்கான காரணம் இந்திய அணியின் முன்னாள் கேப்டன் மகேந்திர சிங் தோனி என இந்திய வீரர் ஷிவம் துபே தெரிவித்துள்ளார்.
இந்தியா மற்றும் ஆப்கானிஸ்தான் அணிகளுக்கு இடையிலான முதல் டி20 போட்டி நேற்று (ஜனவரி 11) மொஹாலியில் நடைபெற்றது. இந்தப் போட்டியில் 6 விக்கெட்டுகள் வித்தியாசத்தில் ஆப்கானிஸ்தானை இந்திய அணி வீழ்த்தியது. அதிரடியாக விளையாடிய ஷிவம் துபே 40 பந்துகளில் 60 ரன்கள் குவித்து இந்திய அணியின் வெற்றிக்கு உதவினார்.
இந்த நிலையில், டி20 போட்டிகளில் தனது அணுகுமுறையில் ஏற்பட்ட மாற்றத்துக்கான காரணம் இந்திய அணியின் முன்னாள் கேப்டன் மகேந்திர சிங் தோனி என இந்திய வீரர் ஷிவம் துபே தெரிவித்துள்ளார்.
இது தொடர்பாக ஜியோ சினிமாவில் ஷிவம் துபே பேசியதாவது: நான் பேட்டிங் செய்ய வந்தபோது, தோனியிடம் இருந்து கற்றுக் கொண்ட விஷயங்களை செயல்படுத்த வேண்டும் என்ற எண்ணத்தில்தான் வந்தேன். தோனியிடன் நான் தொடர்ந்து பேசிக் கொண்டே இருப்பேன். வித்தியாசமான சூழ்நிலைகளை எப்படி அணுக வேண்டும் என அவர் கூறியுள்ளார். எனது பேட்டிங் தொடர்பாக இரண்டு, மூன்று அறிவுரைகளை எனக்கு வழங்கினார். என்னுடைய பேட்டிங் திறனையும் அவர் மதிப்பிட்டார். அவர் தொடர்ந்து எனது பேட்டிங் திறனை மதிப்பிட்டால், நான் தொடர்ந்து நன்றாக விளையாடுவேன் என நினைக்கிறேன். தோனி எனது பேட்டிங் திறனை மதிப்பிட்டு அறிவுரை வழங்கியதால் எனது நம்பிக்கை அதிகரித்தது என்றார்.
இதையும் படிக்க: பிரபல நியூசிலாந்து வீரருக்கு கரோனா!
ஆப்கானிஸ்தானுக்கு எதிரான நேற்றையப் போட்டியில் ஷிவம் துபே ஆட்டநாயன் விருது வென்றது குறிப்பிடத்தக்கது.
தினமணி செய்திமடலைப் பெற... Newsletter
தினமணி'யை வாட்ஸ்ஆப் சேனலில் பின்தொடர... WhatsApp
தினமணியைத் தொடர: Facebook, Twitter, Instagram, Youtube, Telegram, Threads, Arattai, Google News
உடனுக்குடன் செய்திகளை அறிய தினமணி App பதிவிறக்கம் செய்யவும்.
பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.
