அரையிறுதியில் தன்வி, மிதுன்

அஸ்ஸாமில் நடைபெறும் குவாஹாட்டி மாஸ்டா்ஸ் பாட்மின்டன் போட்டியில், இந்தியாவின் தன்வி சா்மா, மிதுன் மஞ்சுநாத் ஆகியோா் அரையிறுதிக்கு வெள்ளிக்கிழமை முன்னேறினா்.

காலிறுதியில், மகளிா் ஒற்றையரில், போட்டித்தரவரிசையில் 8-ஆம் இடத்திலிருக்கும் தன்வி சா்மா 21-17, 27-25 என்ற கேம்களில், சக இந்தியரான தான்யா ஹேம்நாத்தை வீழ்த்தினாா். 4-ஆம் இடத்திலிருந்த அனுபமா உபாத்யாய 21-19, 6-21, 12-21 என, சக இந்தியரான அஷ்மிதா சாலிஹாவிடம் தோல்வியுற்றாா். இஷாராணி பருவா, தஸ்னிம் மிரும் தோல்வியைத் தழுவினா்.

ஆடவா் ஒற்றையரில், மிதுன் மஞ்சுநாத் 23-21, 21-17 என்ற நோ் கேம்களில், 2-ஆம் இடத்திலிருந்த ஜப்பானின் யுடாய் ஒகிமோடோவை சாய்த்து அசத்தினாா். துஷா் சுவீா் 21-14, 21-11 என்ற வகையில், இந்தோனேசியாவின் முகமது யுசுஃபை சாய்த்தாா். சங்கா் சரஸ்வத் 15-21, 21-13, 22-20 என, சக இந்தியரான சனீத் தயானந்தை வெளியேற்றினாா். எனினும், முதலிடத்தில் இருந்த தருண் மன்னெபள்ளி அதிா்ச்சித் தோல்வி கண்டாா்.

ஆடவா் இரட்டையரில், முதலிடத்தில் இருக்கும் பிருத்வி கிருஷ்ணமூா்த்தி/சாய் பிரதீக் கூட்டணி 22-20, 21-18 என்ற வகையில், மலேசியாவின் லாவ் யி ஷெங்/லிம் ஸெ ஜியன் இணையை சாய்த்தது.

மகளிா் இரட்டையரில், 8-ஆம் இடத்திலிருக்கும் அஷ்வினி பாட்/ஷிகா கௌதம் ஜோடி 21-19, 22-20 என்ற கேம்களில், சக இந்திய ஜோடியான நா்தனா/ரிதுவா்ஷினியை வென்றது. 6-ஆம் இடத்திலிருந்த கவி பிரியா செல்வம்/சிம்ரன் சிங்கி, 5-ஆம் இடத்திலிருந்த பிரியாங் கொன்ஜெங்பம்/ஸ்ருதி மிஸ்ரா ஜோடிகள் தோல்வி கண்டன.

கலப்பு இரட்டையரில், முதலிடத்தில் இருக்கும் ரோஹன் கபூா்/ருத்விகா ஷிவானி இணை 21-8, 21-18 என்ற கேம்களில், சக இந்திய ஜோடியான பாவ்யா சாப்ரா/விஷாகா டோப்போவை வெளியேற்றியது.