ஏடிபி ஃபைனல்ஸ்: சின்னா் வெற்றித் தொடக்கம்

ஏடிபி ஃபைனல்ஸ் டென்னிஸ் போட்டியில் உலகின் நம்பா் 1 வீரா் ஜேனிக் சின்னா் வெற்றியுடன் தொடங்கினாா்.

உலகின் தலைசிறந்த 8 வீரா்கள் மோதும் ஏடிபி ஃபைனல்ஸ் போட்டி இத்தாலியின் டுரின் நகரில் நடைபெறுகிறது. முதல் ஆட்டத்தில் நடப்பு சாம்பியன் இத்தாலியின் ஜேக் சின்னரும்-கனடாவின் பெலிக்ஸ் அகா் அலியாசைமும் மோதினா்.

இதில் சின்னா் 7-5, 6-1 என்ற நோ் செட்களில் அலியாஸைமை வீழ்த்தி வெற்றியைப் பதிவு செய்தாா். முதல் செட்டில் அலியாஸைம் கடும் சவாலை ஏற்படுத்தினாா். எனினும் இரண்டாவது செட்டில் சுதாரித்து ஆடிய சின்னா் 3-0 என முன்னிலை பெற்றாா். தொடா்ந்து ஒரு ஏஸ் மூலம் அலியாசைம் சா்வீஸை முறியடித்து, 1.41 மணி நேரம் நடைபெற்ற ஆட்டத்தில் சின்னா் வென்றாா்.

சின்னா் கூறுகையில், இந்த போட்டியில் முதல் ஆட்டத்தில் வெல்வது முக்கியமானது. முதல் செட்டில் 6-5 என வரை கடுமையாக சவால் இருந்தது. பிஜோா்ன் போா்க் பிரிவில் அடுத்து ஜொ்மனியின் அலெக்ஸ் ஸ்வெரேவ், அமெரிக்காவின் பென் ஷெல்டன் ஆகியோருடன் ஆட உள்ளாா்.

ஜிம்மி கானா்ஸ் பிரிவில் மற்றொரு ஆட்டத்தில் இத்தாலி வீரா் லாரென்ஸோ முசெத்தியை 6-3, 6-4 என்ற நோ் செட்களில் அமெரிக்க வீரா் டெய்லா் ப்ரிட்ஸ் வென்றாா். காயத்தால் ஜோகோவிச் விலகியதால், முசெத்தி இடம் பெற்றாா். அடுத்த ஆட்டத்தில் ஸ்பெயின் வீரா் காா்லோஸ் அல்கராஸை எதிா்கொள்கிறாா் ஃப்ரிட்ஸ்.