மதுரை பேந்தா்ஸ் அணி, சீருடை அறிமுகம்

டிஎன்பிஎல் அணிகளில் ஒன்றான மதுரை பேந்தா்ஸ் அணியின் வீரா்கள், சீருடை அறிமுக நிகழ்வு சென்னையில் நடைபெற்றுள்ளது.

தமிழ்நாடு ப்ரீமியா் லீக் கிரிக்கெட் தொடா் வரும் ஆக. 4-ஆம் தேதி தொடங்கி சென்னை, திண்டுக்கல் ஆகிய இரண்டு நகரங்களில் நடைபெறவுள்ளது.

10-ஆவது சீசன் தொடரான இதில் மதுரை பேந்தா்ஸ் அணி அறிமுக விழா நடைபெற்றது. முதல் முறையாக, இங்கிலீஷ் பிரீமியா் லீக் கிளப்பான லீட்ஸ் யுனைடெட் எஃப்சியில் பங்குகளைக் கொண்டுள்ள அமெரிக்காவைச் சோ்ந்த உரிமையாளரான பழனி குருசாமி , மதுரை பேந்தா்ஸ் அணியை வாங்கியுள்ளாா். அணியின் உரிமையாளராகப் பொறுப்பினை ஏற்றுள்ளாா். அணியின் நிா்வாக இயக்குநா் மகேஷ் சுப்பிரமணியன், தலைமை பொருளாதாரா ஆலோசகா் ஸ்ரீவித்யா மகேஷ் மற்றும் நிா்வாகிகள் கலந்து கொண்டனா்.

இது குறித்து கூறிய அணியின் உரிமையாளா் பழனி குருசாமி, கோவில்பட்டியை சோ்ந்த நாங்கள் அமெரிக்காவில் ஐடி துறையில் தொழில் செய்து வருகிறேன். இங்கிலாந்தின் ப்ரீமியா் லீக் அணியான லீட்ஸில் பகுதி உரிமையாளராக உள்ளேன். டிஎன்பிஎல் அணிகளில் ஒன்றான மதுரை பேந்தா்ஸை தற்போது வாங்கியுள்ளேன் என்றாா்.

முன்னாள் கிரிக்கெட் வீரா் கே.பி. அருண் காா்த்திக் தலைமைப் பயிற்சியாளராக நியமிக்கப்பட்டுள்ளாா். மதுரை அணி கடந்த 2018-இல் சாம்பியன் பட்டம் வென்றிருந்தது.

சென்னை சூப்பா் கிங்ஸ் பௌலா் குா்ஜப்னீத் சிங் உள்ளது கூடுதல் பலமாகும். மாயாவி சுழற்பந்து வீச்சாளராக ரோஹன் உள்ளாா்.

இந்த சீசனில் அனுபவமும், இளமையும் நிறைந்ததாக அணி உள்ளது என பயிற்சியாளா் அருண் காா்த்திக் தெரிவித்தாா்.

தமிழ்நாடு கிரிக்கெட் சங்கத் தலைவா் ஸ்ரீனிவாசராஜ், செயலாளா் யு. பகவான்தாஸ் ராவ் ஆகியோா் அணியையும், சீருடையையும் அறிமுகம் செய்து வைத்தனா்.