பிஎஸ்ஜியை தோல்வியில் இருந்து மீட்ட உலகக் கோப்பை நாயகன் ஃபெர்ரன் டோரஸ்..! அறிமுக போட்டியில் 2 கோல்கள்!

பிஎஸ்ஜி (பாரீஸ் செயின்ட் ஜெர்மன்) அணிக்கான தனது முதல் அறிமுக போட்டியில் ஃபெர்ரன் டோரஸ் இரண்டு கோல்கள் அடித்து அசத்தினார். இருப்பினும் அந்த அணி 2-2 என போட்டியை சமனில் முடித்தது.

ஃபெர்ரன் டோரஸ் உலகக் கோப்பை இறுதிப் போட்டியில் கோல் அடித்து ஸ்பெயின் அணியை 1-0 என த்ரில் வெற்றி பெற செய்து ஆட்ட நாயகன் விருது வென்றார்.

இந்த அசத்தலான ஆட்டத்துக்குப் பிறகு பார்சிலோனா அணியில் இருந்து பிஎஸ்ஜி அணிக்கு மாறியுள்ளார். தொடர்ச்சியாக இரண்டு முறை சாம்பியன்ஸ் லீக்கை வென்றுள்ளது.

பிரான்ஸில் நடைபெறும் லீக்1 தொடரில் 2026-27 சீசன் போட்டிகள் தொடங்கியுள்ளன. இதில் பிஎஸ்ஜி அணி தனது முதல் போட்டியில் ரென்னீஸ் அணியுடன் மோதியது.

இந்தப் போட்டியில் 9, 38ஆவது நிமிஷங்களில் ரென்னீஸ் அணி கோல் அடித்து முதல் பாதியில் 2-0 என முன்னிலை வகித்தது. பின்னர், இரண்டாம் பாதியில் சப்ஸ்டியூட் வீரராக களமிறங்கிய ஃபெர்ரன் டோரஸ் 71, 82ஆவது நிமிஷத்தில் கோல் அடித்து சமன்படுத்தினார்.

பிஎஸ்ஜி அணிக்கான தனது அறிமுக போட்டியிலேயே ஆட்ட நாயகன் விருது வென்று நம்பிக்கை அளித்துள்ளார். மீண்டும் இந்த அணி லீக் 1, சாம்பியன்ஸ் லீக் வெல்ல இவர் உதவுவாரா என்ற எதிர்பார்ப்பு அதிகரித்துள்ளது.