இந்திரா காந்தியைக் கண்டாலே அச்சம்! பின்னர் அவரே அம்மாவாக மாறினார்: சோனியாசீனாவின் முதல் மின்சார விமானம்: பயணிகளுடனான சோதனை ஓட்டத்தில் வெற்றி!சோனியா காந்தி புத்தக வெளியீட்டு விழா! முதல்வர் விஜய் பங்கேற்பு! மண்டல பூஜைக்காக சபரிமலை நடை திறப்பு!டிசம்பர் 3-ல் கன்னியாகுமரி மாவட்டத்துக்கு உள்ளூர் விடுமுறை!

ஸ்பெயின் வெற்றி நடைக்கு இங்கிலாந்து தடை

நேஷன்ஸ் லீக் கால்பந்து போட்டியில் இங்கிலாந்து 3-2 கோல் கணக்கில், நடப்பு உலக சாம்பியனான ஸ்பெயினை வீழ்த்தியது.

England's win over Spain

AP

Updated On :

நேஷன்ஸ் லீக் கால்பந்து போட்டியில் இங்கிலாந்து 3-2 கோல் கணக்கில், நடப்பு உலக சாம்பியனான ஸ்பெயினை திங்கள்கிழமை வீழ்த்தியது.

தொடா்ந்து 5 ஆட்டங்களில் வென்ற ஸ்பெயினின் வெற்றி நடைக்கு, இங்கிலாந்து இந்த ஆட்டத்தில் தடை விதித்தது.

லண்டனில் நடைபெற்ற குரூப் ‘சி’ ஆட்டத்தில், இரு அணிகளும் பரஸ்பரம் சவால் அளித்ததால், எந்த அணிக்குமே எளிதாக கோல் வாய்ப்பு கிடைக்கவில்லை.

இந்நிலையில், முதல் பாதி முடிவடைய இருந்த தருணத்தில் இங்கிலாந்தின் கோல் கணக்கை ஹேரி கேன் 45-ஆவது நிமிஷத்தில் தொடங்கி வைத்தாா்.

ஆடும் திசைகள் மாற்றப்பட்ட 2-ஆவது பாதியில், 53-ஆவது நிமிஷத்தில் எஸ்ரி கோன்சா அதை 2-ஆக அதிகரிக்க, பென் வைட் பங்களிப்பில் 57-ஆவது நிமிஷத்தில் இங்கிலாந்தின் கோல் எண்ணிக்கை 3 ஆனது.

இந்நிலையில், 63-ஆவது நிமிஷத்தில் ஸ்பெயின் வீரா் லேமின் யமாலை, ‘ஃபௌல்’ செய்ததால் இங்கிலாந்தின் எலியட் ஆண்டா்சன் ‘ரெட் காா்டு’ மூலமாக வெளியேற்றப்பட்டாா். இதனால் இங்கிலாந்து 10 பேருடன் விளையாடும் நிலைக்கு தள்ளப்பட்டது.

அந்த சந்தா்ப்பத்தில் கிடைத்த பெனால்ட்டி கிக் வாய்ப்பில் ஸ்பெயினின் மைக்கேல் ஒயா்ஸபால் (65’) அணியின் கோல் கணக்கைத் தொடங்கினாா். தொடா்ந்து நிகோ வில்லியம்ஸ் 75-ஆவது நிமிஷத்தில் அதை 2-ஆக உயா்த்த, இங்கிலாந்துக்கு நெருக்கடி நெருங்கியது.

எனினும், எஞ்சிய நேரத்தில் ஸ்பெயினுக்கு மேலும் கோல் வாய்ப்பு கிடைக்காமல் பாா்த்துக் கொண்ட இங்கிலாந்து, முடிவில் 3-2 கோல் கணக்கில் வென்றது.

இதர ஆட்டங்களில், பெல்ஜியம் - இத்தாலியையும் (4-1), பிரான்ஸ் - துருக்கியையும் (2-1), குரோஷியா - செக் குடியரசையும் (2-1) வென்றன.

தினமணி செய்திமடலைப் பெற... Newsletter

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Arattai, Google News

உடனுக்குடன் செய்திகளை அறிய தினமணி App பதிவிறக்கம் செய்யவும்.

பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.