தாளவாடி அருகே ஊருக்குள் புகுந்த மலைப் பாம்பு

ஈரோடு மாவட்டம், தாளவாடி அருகே ஊருக்குள் புகுந்த மலைப் பாம்பை வனத் துறையினர் பிடித்து மீண்டும் வனப் பகுதிக்குள் விட்டனர்.
தாளவாடியை அடுத்த கெட்டிவாடி வனத்தையொட்டி திருப்பூர்காரர் தோட்டம் உள்ளது. இந்த தோட்டத்தில் புதன்கிழமை மலைப் பாம்பு புகுந்துள்ளது. 
அங்கு வேலை செய்து கொண்டிருந்த விவசாயிகள் மலைப் பாம்பு செல்வதைப் பார்த்து வனத் துறையினருக்குத் தகவல் தெரிவித்தனர். சம்பவ இடத்துக்கு வந்த வனத் துறையினர் பாம்பைப் பிடித்து, அங்குள்ள அடர்ந்த வனப் பகுதியில் விடுவித்தனர்.