உயர் கல்வித் துறை ஊழல்: உயர்நிலைக் குழு விசாரணை: மார்க்சிஸ்ட் தீர்மானம்

உயர் கல்வித் துறையில் நடைபெற்று வரும் ஊழல்கள் தொடர்பாக உயர்நிலைக் குழு அமைத்து விசாரணை நடத்தி உரிய நடவடிக்கை எடுக்க வேண்டும் என மார்க்சிஸ்ட் கம்யூனிஸ்ட் கட்சி தீர்மானம் நிறைவேற்றியுள்ளது.
மார்க்சிஸ்ட் கட்சியின் மாநில செயற்குழு கூட்டம் சென்னையில் ஞாயிறு, திங்கள்கிழமைகளில் கட்சியின் மாநில செயற்குழு உறுப்பினர் பெ.சண்முகம் தலைமையில் நடைபெற்றது. 
இதில் அண்ணா பல்கலைக்கழக தேர்வுத்தாள் மறுமதிப்பீடு முறைகேடு, பாலியல் புகார்கள், பேராசிரியர் நியமன முறைகேடுகள் என உயர் கல்வித் துறையில் நடைபெற்று வரும் ஊழல்கள் தொடர்பாக தமிழக அரசு உயர் நிலைக் குழு அமைத்து விசாரணை நடத்தி, உரிய நடவடிக்கை எடுக்கவேண்டும் என்பன உள்ளிட்ட தீர்மானங்கள் நிறைவேற்றப்பட்டன.