தமிழகம் முழுவதும் சாலைகளில் இடையூறு ஏற்படுத்தும் வகையில் பேனர்கள் வைக்க தடை: உயர் நீதிமன்றம்

தமிழகம் முழுவதும் சாலைகளில் இடையூறு ஏற்படுத்தும் வகையில் பேனர்கள் வைக்க உயர்நீதிமன்றம் தடை விதித்துள்ளது. 

கருணாநிதி சிலை திறப்பு விழாவுக்கு சென்னையில் அனுமதியின்றி பல இடங்களில் பேனர் வைக்கப்பட்டது என்றும் இதுதொடர்பாக சம்பந்தப்பட்டவர்கள் மீதும், அனுமதி வழங்கிய அதிகாரிகள் மீதும் நடவடிக்கை எடுக்க வேண்டும் எனக் கூறி சமூக ஆர்வலர் டிராபிக் ராமசாமி சென்னை உயர் நீதிமன்றத்தில் மனு தாக்கல் செய்தார். இம்மனு சென்னை உயர்நீதிமன்றத்தில் இன்று விசாரணைக்கு வந்ததது. 

அப்போது தமிழகம் முழுவதும் சாலைகளில் இடையூறு ஏற்படுத்தும் வகையில் பேனர்கள் வைக்க நீதிபதிகள் தடை விதித்தனர். மேலும் விதிகளையும், நீதிமன்ற உத்தரவுகளையும் பின்பற்றுவோம் என தமிழக அரசு உத்தரவாதம் அளிக்க உத்தரவிட்ட நீதிபதிகள் வழக்கை ஜனவரி 4ஆம் தேதிக்கு ஒத்திவைத்தனர்.