அரக்கோணத்தில் ரூ.1.6 கோடியில் வணிக வரி அலுவலகக் கட்டடம்

வேலூர் மாவட்டம் அரக்கோணத்தில் ரூ.1.6 கோடியில் வணிக வரி அலுவலகக் கட்டடம் கட்டப்படும் என்று சட்டப்பேரவையில் வணிக வரித்துறை அமைச்சர் கே.சி.வீரமணி அறிவித்தார்.
சட்டப்பேரவையில் வணிக வரித்துறை மானியக் கோரிக்கை மீதான விவாதத்தில் அமைச்சர் கே.சி.வீரமணி வெளியிட்ட அறிவிப்புகள்: வேலூர் அரக்கோணத்தில் வணிக வரி அலுவலர் அலுவலகம் ரூ.1.6 கோடி மதிப்பீட்டில் கட்டப்படும். பட்டுக்கோட்டையில் ரூ.2.15 கோடி மதிப்பீட்டில் புதிய ஒருங்கிணைந்த பதிவுத்துறை அலுவலக வளாகம் கட்டப்படும். தென்காசியில் புதிய ஒருங்கிணைந்த பதிவுத்துறை அலுவலக வளாகம் ரூ.2.15 கோடி மதிப்பீட்டில் கட்டப்படும். விருதுநகர் மாவட்டம் ராஜபாளையத்தில் ரூ.1.96 கோடியில் ஒருங்கிணைந்த வணிக வரி அலுவலகக் கட்டடம் கட்டப்படும் என்றார்.