பேசுவதே குற்றமா? நெல்லை கண்ணனுக்கு ஆதரவாகக் குரல் கொடுக்கும் ப. சிதம்பரம்

சென்னை: பிரதமர் மோடி மற்றும் அமித் ஷா குறித்து சர்ச்சைக்குரிய வகையில் பேசியதற்காக கைது செய்யப்பட்டு சிறையில் அடைக்கப்பட்டிருக்கும் நெல்லை கண்ணனுக்கு ஆதரவாக முன்னாள் மத்திய அமைச்சர் சிதம்பரம் குரல் கொடுத்துள்ளார்.

இது குறித்து இன்று அவர் தனது டிவிட்டர் பக்கத்தில் கூறியிருப்பதாவது, பேசினாலே குற்றம் என்று புதுமையான சட்ட நெறிகள் புகுத்தப்படுகின்றன. பேசுவதே குற்றம் என்று வைத்துக்கொண்டாலும், அதற்கு ஏன் 14 நாள் விசாரணைக் கைதியாக சிறையில் அடைக்க வேண்டும்?

பேச்சும் செயலும் இணைந்தால் தான் குற்றம். நெல்லை கண்ணன் பேசினார் என்று வைத்துக்கொள்வோம், என்ன தீய செயலை அவர் செய்தார்?

இப்படி நினைப்பவர்களை லண்டன் மாநகர் ஹைட் பார்க் (Hyde Park) என்ற பூங்காவிற்கு அனுப்ப வேண்டும். அங்கே பேசப்படுவதை அவர்கள் கேட்க வேண்டும்  என்று பதிவிட்டுள்ளார்.

திருநெல்வேலி மேலப்பாளையத்தில் எஸ்டிபிஐ கட்சி சாா்பில் குடியுரிமைப் பாதுகாப்பு மாநாடு, கடந்த மாதம் 29-ஆம் தேதி நடைபெற்றது. இக்கூட்டத்தில் பிரதமா், மத்திய உள்துறை அமைச்சா் அமித் ஷா ஆகியோா் குறித்து அவதூறாகப் பேசியதாக, நெல்லை கண்ணன் மீது திருநெல்வேலி மாநகர காவல் ஆணையரிடம் பாஜகவினா் புகாா் அளித்தனா். அதைத் தொடா்ந்து, இந்திய இறையாண்மைக்கு எதிராகப் பேசுதல், கொலை மிரட்டல் உள்ளிட்ட பிரிவுகளில் நெல்லை கண்ணன் மீது மேலப்பாளையம் காவல் நிலையத்தில் வழக்குப் பதிவு செய்யப்பட்டது.

இந்தப் புகாரின்பேரில், பெரம்பலூரில் தனியாா் விடுதியில் தங்கியிருந்த நெல்லை கண்ணனை, போலீஸாா் கடந்த 1 ஆம் தேதி கைது செய்தனா். பின்னா் வியாழக்கிழமை திருநெல்வேலி முதலாவது குற்றவியல் நீதிமன்றத்தில் ஆஜா்படுத்தப்பட்ட அவரை, இம் மாதம் 13 ஆம் தேதி வரை நீதிமன்றக் காவலில் வைக்க நீதிமன்றம் உத்தரவிட்டது. இதையடுத்து பாளையங்கோட்டை மத்திய சிறைக்கு கொண்டு செல்லப்பட்ட அவா், பின்னா் சேலம் மத்திய சிறைக்கு மாற்றப்பட்டாா்.

இந்நிலையில் ஜாமீன் வழங்கக் கோரி, நெல்லை கண்ணன் சாா்பில் திருநெல்வேலி இரண்டாவது குற்றவியல் நீதித்துறை நடுவா் மன்றத்தில் மனு அளிக்கப்பட்டது. இந்த மனு, நீதித்துறை நடுவா் கடற்கரைசெல்வம் முன்னிலையில் வெள்ளிக்கிழமை விசாரணைக்கு வந்தது. அப்போது இந்து முன்னணி மற்றும் பாஜகவை சோ்ந்த வழக்குரைஞா்கள், நெல்லை கண்ணனுக்கு ஜாமீன் வழங்க ஆட்சேபம் தெரிவித்து வாதாடினா். இருதரப்பு வாதங்களையும் கேட்ட நீதித்துறை நடுவா், ஜாமீன் மனுவை தள்ளுபடி செய்து உத்தரவிட்டாா்.