இயக்குநர் பாரதிராஜாவுக்கு முதல்வர் எடப்பாடி பழனிசாமி பிறந்த நாள் வாழ்த்து

இயக்குநர் பாரதிராஜாவை தொலைபேசியில் தொடர்புகொண்டு முதல்வர் எடப்பாடி பழனிசாமி பிறந்த நாள் வாழ்த்து கூறியுள்ளார். 

இயக்குநர் பாரதிராஜா இன்று தனது 80ஆவத பிறந்த நாளை கொண்டாடுகிறார். இதற்காகச் சமூகவலைத்தளங்களில் அவருக்குப் பலரும் வாழ்த்துகளைக் கூறியுள்ளார்கள். இயக்குநர் பாரதிராஜாவுக்கு தாதா சாகேப் பால்கே விருது வழங்க வேண்டும் என்று மத்திய அமைச்சர் பிரகாஷ் ஜவடேகருக்கு கமல்ஹாசன், மணிரத்னம், சேரன், பாலா, வைரமுத்து உள்ளிட்டோர் கடிதம் எழுதியுள்ளார்கள். 

இதுகுறித்து தமிழக அரசு வெளியிட்ட செய்திக்குறிப்பில், தமிழ்நாடு முதல்வர் எடப்பாடி மு. பழனிசாமி இன்று திரைப்பட இயக்குநர் பாரதிராஜா 79 வயது நிறைவு பெற்று 80வது வயதில் அடியெடுத்து வைத்தமைக்காக தொலைபேசி மூலம் தொடர்பு கொண்டு அவருக்கு வாழ்த்துகளை தெரிவித்தார்கள். அதற்கு திரைப்பட இயக்குநர் பாரதிராஜா தமிழ்நாடு முதல்வருக்கு தனது நன்றியை தெரிவித்துக் கொண்டார்.