துரைமுருகன், டி.ஆர்.பாலுவிற்கு நடிகர் ரஜினிகாந்த் வாழ்த்து

திமுக பொதுச் செயலாளராக தேர்ந்தெடுக்கப்பட்டுள்ள துரைமுருகன் மற்றும் பொருளாளராக தேர்ந்தெடுக்கப்பட்டுள்ள டி.ஆர்.பாலுவுக்கு நடிகர் ரஜினிகாந்த் வாழ்த்து தெரிவித்துள்ளார்.

திமுகவின் பொதுச் செயலாளர் மற்றும் பொருளாளர் பதவிக்கு வேட்பு மனு தாக்கல் செய்ய கால அவகாசம் இன்று மாலை 4 மணியுடன் முடிந்த நிலையில், திமுகவின் பொதுச்செயலாளராக துரைமுருகனும், பொருளாளராக டி.ஆா்.பாலுவும் போட்டியின்றி தோ்ந்தெடுக்கப்படுகிறார்கள்.

பொதுச்செயலாளா், பொருளாளரைத் தோ்ந்தெடுப்பதற்காக திமுகவின் பொதுக்குழு செப்டம்பா் 9-ஆம் தேதி கூட உள்ளது.

இந்நிலையில் திமுகவின் பொதுச்செயலாளராக தேர்ந்தெடுக்கப்படும் துரைமுருகன் மற்றும் பொருளாளராக தேர்ந்தெடுக்கப்படும் டி.ஆர்.பாலு ஆகியோருக்கு நடிகர் ரஜினிகாந்த் வாழ்த்து தெரிவித்துள்ளார்.

இது தொடர்பாக தனது சுட்டுரைப்பதிவில் நடிகர் ரஜினிகாந்த்,   “தி.மு.க.வின் பொதுச்செயலாளராக ஏகமனதாக தேர்ந்தெடுக்கப்பட்டிருக்கும் மதிப்பிற்குரிய நண்பர் திரு.துரைமுருகன் அவர்களுக்கும், பொருளாளராக தேர்ந்தெடுக்கப்பட்டிருக்கும் மதிப்பிற்குரிய நண்பர் திரு.டி.ஆர். பாலு அவர்களுக்கும் எனது மனமார்ந்த வாழ்த்துகள்.” எனப் பதிவிட்டு வாழ்த்து தெரிவித்துள்ளார்.