மான்செஸ்டர் யுனைடெட்டின் 26 ஆண்டுகால சாதனையை முறியடித்த ப்ரூனோ ஃபெர்னான்டஸ்!

மான்செஸ்டர் யுனைடெட் அணியின் கேப்டன் ப்ரூனோ ஃபெர்னான்டஸ் நிகழ்த்திய சாதனை குறித்து...

பிரீமியர் லீக் ஆட்டத்தில் ப்ரூனோ ஃபெர்னான்டஸ். - படம்: ஏபி

Updated On :16 மார்ச் 2026, 7:42 am

மான்செஸ்டர் யுனைடெட் அணியின் கேப்டன் ப்ரூனோ ஃபெர்னான்டஸ் ஒரே சீசனில் அதிக (16) அசிஸ்ட்ஸ் (கோல் அடிக்க உதவி புரிதல்) செய்தவராக புதிய சாதனையை நிகழ்த்தியுள்ளார்.

இதற்கு முன்பாக டேவிட் பெக்கம் 1999/2000 சீசனில் 15 அசிஸ்ட்ஸ் செய்திருந்தார். இந்தச் சாதனை தற்போது முறியடிக்கப்பட்டுள்ளது.

இங்கிலாந்தில் நடைபெறும் பிரீமியர் லீக்கில் மான்செஸ்டர் யுனைடெட் அணியும் ஆஸ்டன் வில்லா அணியும் நேற்றிரவு மோதின. இந்தப் போட்டியில் 3-1 என யுனைடெட் அணி வென்றது.

இந்தப் போட்டியில் முதலிரண்டு கோல்கள் (53’, 71’) அடிக்க ப்ரூனோ ஃபெர்னான்டஸ் உதவினார். இதன் மூலம் 2025/26 சீசனில் 16 அசிஸ்ட்ஸ் உடன் முதலிடம் பிடித்துள்ளார்.

ப்ரூனோ ஃபெர்னான்டஸ் இத்துடன் பிரீமியர் லீக்கில் 100 அசிஸ்ட்டுகளைச் செய்த மூன்றாவது மான்செஸ்டர் யுனைடெட் வீரராகவும் சாதனை படைத்துள்ளார்.