12-ம் வகுப்பு பொதுத்தேர்வு ஒத்திவைப்பா?: இன்று ஆலோசனை

தமிழகத்தில் மாநில பாடத்திட்டத்தில் பயிலும் 12-ம் வகுப்பு மாணவர்களுக்கு பொதுத்தேர்வை ஒத்திவைப்பது குறித்து இன்று (ஏப். 15) ஆலோசனை நடத்தவுள்ளதாக தகவல் வெளியாகியுள்ளது.

கரோனா பரவி வரும் சூழலில் 12-ம் வகுப்பு பொதுத்தேர்வை நடத்துவதில் உள்ள சவால்கள் குறித்து இதில் ஆலோசிக்கப்பட உள்ளது. 

ஏற்கெனவே சிபிஎஸ்இ 10-ம் வகுப்பு பொதுத்தேர்வுகள் ரத்து செய்யப்பட்டு, 12-ம் வகுப்பு பொதுத்தேர்வுகள் ஒத்திவைக்கப்பட்டுள்ளன.

படிக்க: தமிழகத்தில் மேலும் சில கட்டுப்பாடுகள்?: இன்று ஆலோசனை

இந்நிலையில், மாநில பாடத்திட்டத்தில் பயிலும் 12-ம் வகுப்பு மாணவர்களுக்கு திட்டமிட்டபடி மே மாதம் பொதுத்தேர்வை நடத்துவதா அல்லது ஒத்திவைப்பதா என்பது குறித்து கூட்டத்தில் முடிவு செய்யப்படவுள்ளது.

தலைமைச் செயலாளர் ராஜீவ் ரஞ்சன் தலைமையில் நடைபெறும் இந்த ஆலோசனைக் கூட்டத்தில், பள்ளிகல்விதுறை செயலாளர், கல்வித்துறை அதிகாரிகள் உள்ளிட்டோர் பங்கேற்கவுள்ளனர்.