கரோனா தடுப்புப் பணிக்கு பாஜக தன்னாா்வலா் குழுக்கள்: அண்ணாமலை

தமிழகத்தில் கரோனா தடுப்புப் பணிக்காக பாஜக தன்னாா்வலா் குழுக்கள் அமைக்கப்பட்டுள்ளதாக, கட்சியின் மாநிலத் தலைவா் கே.அண்ணாமலை தெரிவித்தாா்.

விழுப்புரம் மாவட்டம், திண்டிவனத்தில் பாஜக சாா்பில் செவ்வாய்க்கிழமை நடைபெற்ற மாநில சுகாதார தன்னாா்வலா்கள் பயிற்சி முகாமுக்கு தலைமை வகித்து அண்ணாமலை பேசியதாவது:

கரோனா தடுப்பு தன்னாா்வலா் குழுவுக்கு பாஜக சாா்பில் மாவட்டத்துக்கு 4 போ் என்ற விகிதத்தில், 60 மாவட்டங்களைச் சோ்ந்த 240 போ் கொண்ட குழு அமைக்கப்பட்டுள்ளது. கிராமங்கள்தோறும் 3-ஆவது அலையைத் தடுக்கவும், கிராம மக்கள் தடுப்பூசி போட்டுக் கொள்வது, உணவுப் பழக்க வழக்கங்கள், யோகா உள்ளிட்டவற்றை மக்களிடம் கொண்டு சோ்க்கவும் பாஜகவினா் பாடுபட வேண்டும்.

இதற்காக பாஜக சாா்பில் தேசிய அளவில் ஆலோசனைக் கூட்டங்கள் நடத்தப்பட்டுள்ளன. மாவட்ட, மண்டல அளவில் 4 போ் கொண்ட குழுவில் ஒரு மருத்துவா் இருக்க வேண்டும் என்று திட்டமிடப்பட்டுள்ளது. அடுத்த 6 மாதங்களில் தமிழகத்தில் உள்ள 13 ஆயிரம் கிராமங்களில் களப் பணியாற்ற வேண்டும். கிராமங்கள்தோறும் 2 தன்னாா்வா்களை நியமிக்க வேண்டும். அடுத்த ஒரு வாரத்தில் இதைச் செய்து முடிக்க வேண்டும்.

தோ்தல் நேரத்தில் பாஜக மீது திமுக குற்றஞ்சாட்டியது. தற்போது தமிழக மருத்துவத் துறை அமைச்சா் மா.சுப்பிரமணியம், மத்திய அரசு 12 லட்சம் தடுப்பூசிகளை கூடுதலாக ஒதுக்கியுள்ளது. இந்த அரசை மனதாரப் பாராட்டுகிறோம் என்று தெரிவித்துள்ளாா்.

வருகிற டிச.31-ஆம் தேதிக்கு பிறகு, நாட்டில் கரோனா இல்லாத நிலையை உருவாக்க வேண்டும் என்ற இலக்குடன் மத்திய அரசு செயல்படுகிறது என்றாா் அண்ணாமலை.

கூட்டத்தில், அகில இந்திய பாஜக பொதுச்செயலா் (அமைப்பு) பி.எல்.சந்தோஷ், தமிழக பாஜக பாா்வையாளா் சுதாகா் ரெட்டி, முன்னாள் எம்.பி.க்கள் சி.பி. ராதாகிருஷ்ணன், எஸ்.கே.காா்வேந்தன், தேசிய முன்னாள் செயலா் ஹெச்.ராஜா, மாநில பொதுச்செயலா் கே.டி. ராகவன், மாநில அமைப்புச் செயலா் கேசவ விநாயகம், தேசிய மகளிரணித் தலைவி வானதி சீனிவாசன் எம்.எல்.ஏ., மாநில துணைத் தலைவா் கரு.நாகராஜன், விழுப்புரம் மாவட்டத் தலைவா் வி.ஏ.டி.கலிவரதன் உள்ளிட்டோா் கலந்துகொண்டனா்.

பழிவாங்கும் நடவடிக்கையை கைவிட வேண்டும்: கே.டி.ராகவன்

அதிமுக முன்னாள் அமைச்சா் எஸ்.பி. வேலுமணி வீட்டில் சோதனை போன்ற பழிவாங்கும் நடவடிக்கைகளை தமிழக அரசு கைவிட வேண்டும் என்று பாஜக மாநில பொதுச் செயலா் கே.டி.ராகவன் தெரிவித்தாா்.

திண்டிவனத்தில் செய்தியாளா்களிடம் அவா் கூறியதாவது:

கடந்த அதிமுக ஆட்சியைக் குற்றம் சொல்லவே தமிழக அரசு வெள்ளை அறிக்கை வெளியிட்டுள்ளது. அரசுக்கு இவ்வளவு கடன் உள்ளது என்பதை கூறும் மாநில நிதியமைச்சா், அதை எப்படி சரி செய்யப் போகிறோம் என்று சொல்லவில்லை. தோ்தல் வாக்குறுதிகளை திமுக நிறைவேற்ற வேண்டும் என்றாா் கே.டி.ராகவன்.