கிலோ தக்காளி மீண்டும் ரூ.100

சென்னையில், தக்காளி விலை மீண்டும் அதிகரித்து, கிலோ ரூ.100 என்றளவில் சனிக்கிழமை விற்பனையானது.

தமிழகத்தில் பருவமழையையொட்டி வரத்து குறைவு காரணமாக தக்காளி விலை உயா்ந்தது. சென்னையில் கிலோ ரூ.120-க்கும் கூடுதலாக விற்றது மக்களிடையே அதிா்ச்சி ஏற்படுத்தியது. இதன்பின் அண்டை மாநிலங்களில் இருந்து தக்காளி இறக்குமதி செய்யப்பட்டு விற்கப்பட்டது. குறிப்பாக கோயம்பேடு சந்தைக்கு கா்நாடகம், ஆந்திர மாநிலங்களில் இருந்து கடந்த சில நாள்களாக 50-க்கும் மேற்பட்ட லாரிகளில் தக்காளி விற்பனைக்கு வந்தது. விலையும் வீழ்ச்சி அடைந்தது.

இந்த நிலையில் சனிக்கிழமை 39 லாரிகளில் மட்டுமே வந்ததால் தக்காளி விலை அதிகரித்தது. இதன்படி, மொத்த விற்பனை கடைகளில் ஒரு கிலோ தக்காளி ரூ.80-க்கும், கோயம்பேடு சந்தையில் உள்ள சில்லறை கடைகளில் கிலோ ரூ.100-க்கும் தக்காளி விற்பனை செய்யப்பட்டு வருகிறது.

இதேபோல் கடந்த சில நாள்களாகவே வரத்து குறைவு காரணமாக பச்சை காய்கறிகளின் விலையும் தொடா்ந்து தாறுமாறாக அதிகரித்து வருகிறது.

கோயம்பேடு சந்தையில் உள்ள சில்லறை விற்பனை கடைகளில் காய்கறிகளின் விலை நிலவரம் (கிலோவில்): பெரிய வெங்காயம் - ரூ.40, சின்ன வெங்காயம் - ரூ.60, கத்தரிக்காய் - ரூ.100, அவரைக்காய் - ரூ.140, பச்சை பட்டாணி - ரூ.60, பீன்ஸ் - ரூ.100, முருங்கைக்காய் - ரூ.130, கேரட் - ரூ.60, வெண்டைக்காய் - ரூ.100, பீட்ரூட் - ரூ.80, முட்டைகோஸ் - ரூ.60, பாகற்காய் - ரூ.80.