திமுக கூட்டணி: உசிலம்பட்டி தொகுதி பார்வர்ட் பிளாக் கட்சிக்கு ஒதுக்கீடு

உசிலம்பட்டி: மதுரை மாவட்டம் உசிலம்பட்டி தொகுதி திமுக கூட்டணியில் இடம்பெற்றுள்ள பார்வர்ட் பிளாக் கட்சிக்கு ஒதுக்கீடு செய்யப்பட்டுள்ளது.

இதில் மாநில பொதுச்செயலாளர், துணை தலைவர் முன்னாள் எம்எல்ஏ பி.வி. கதிரவனுக்கு உசிலம்பட்டி தொகுதி ஒதுக்கப்பட்டது. இவர் உதயசூரியன் சின்னத்தில் போட்டியிடுகிறார்.  திமுக தலைமையிலான கூட்டணியில் அகில இந்திய பார்வர்டு பிளாக் கட்சிக்கு ஒரு தொகுதி ஒதுக்கப்பட்டுள்ளது. இதற்கான ஒப்பந்தத்தில் திமுக தலைவர் ஸ்டாலின், அகில இந்திய பார்வர்டு பிளாக் கட்சித் தலைவர் கதிரவன் ஆகியோர் கையெழுத்திட்டனர். 

திமுக கூட்டணியில் அகில இந்திய பார்வர்டு பிளாக் கட்சி உதய சூரியன் சின்னத்தில் போட்டியிட உள்ளதாக கூறப்படுகிறது. இக்கட்சிக்கு மதுரை மாவட்டம் உசிலம்பட்டி தொகுதி ஒதுக்கப்பட்டுள்ளது. இந்நிலையில் உசிலம்பட்டி பேருந்து நிலையம் முன்பு பார்வர்ட் பிளாக் கட்சியினர் தேவர் சிலைக்கு மாலை அணிவித்து பட்டாசு வெடித்து இனிப்புகள் வழங்கி கொண்டாடினர்.