திருச்சி கிழக்கு தொகுதி திமுக வேட்பாளர் வேட்புமனு தாக்கல்

திருச்சி கிழக்கு தொகுதி திமுக வேட்பாளர் இனிகோ இருதயராஜ் இன்று பிற்பகல் வேட்பு மனு தாக்கல் செய்தார்.

திருச்சி மாவட்டத்தில் உள்ள ஒன்பது பேரவைத் தொகுதிகளில் 8 தொகுதிகளில் திமுக போட்டியிடுகிறது.

திமுக வேட்பாளர்கள் அனைவரும் இன்று அவரவர் தொகுதிக்குட்பட்ட தேர்தல் நடத்தும் அலுவலரிடம் வேட்புமனு தாக்கல் செய்தனர்.

இதன்படி திருச்சி கிழக்கு தொகுதியில் போட்டியிடும் கிறிஸ்தவ நல்லெண்ண இயக்கத் தலைவரும் திமுக வேட்பாளருமான இனிகோ இருதயராஜ் இன்று வேட்பு மனு தாக்கல் செய்தார்.

முன்னதாக, மதுரை சாலையில் உள்ள கட்சி அலுவலத்தில் இருந்து கூட்டணி கட்சி நிர்வாகிகள், பொதுமக்களுடன் ஊர்வலமாக வந்தார். அரியமங்கலம் மாநகராட்சி கோட்ட அலுவலகத்தில் தேர்தல் நடத்தும் அலுவலர் கமலக்கண்ணனிடம் தனது வேட்பு மனுவை தாக்கல் செய்தார்.