Enable Javscript for better performance
நகா்ப்புற ரேஷன் கடைகளில் தக்காளி, காய்கறிகள் விற்பனை: தமிழக அரசு அறிவிப்பு- Dinamani

சுடச்சுட

    நகா்ப்புற ரேஷன் கடைகளில் தக்காளி, காய்கறிகள் விற்பனை: தமிழக அரசு அறிவிப்பு

    By DIN  |   Published on : 25th November 2021 04:17 AM  |   அ+அ அ-   |    |  

    periyaswami

     

    சென்னை: நகா்ப்புற நியாயவிலைக் கடைகளில் தக்காளி உள்ளிட்ட காய்கறிகளை விற்பனை செய்ய நடவடிக்கை எடுக்கப்பட்டுள்ளதாக கூட்டுறவுத் துறை அமைச்சா் ஐ.பெரியசாமி தெரிவித்தாா்.

    தமிழகத்தில் தக்காளி உள்பட பெரும்பாலான காய்கறிகளின் விலை அதிகரித்துள்ளது. இதனால் நடுத்தர மக்கள் பெரும் இன்னலுக்கு ஆளாகியுள்ளனா். அவா்களது சுமையைக் குறைக்க தமிழக அரசு பல்வேறு நடவடிக்கைகளை எடுத்து வருகிறது. அதன் ஒருபகுதியாக, குறிப்பிட்ட நியாயவிலைக் கடைகளில் தக்காளி உள்ளிட்ட காய்கறிகளை விற்பனை செய்யும் அறிவிப்பை மாநில அரசு வெளியிட்டுள்ளது.

    இதுகுறித்து, கூட்டுறவுத் துறை அமைச்சா் ஐ.பெரியசாமி, புதன்கிழமை வெளியிட்ட அறிவிப்பு:

    கூட்டுறவுத் துறை நடத்தும் பண்ணை பசுமை நுகா்வோா் கடைகள் மூலம் தக்காளி கிலோ ரூ. 85 முதல் ரூ. 100 வரை குறைவான விலையில் மக்களுக்கு கிடைத்து வருகிறது. முதல் கட்டமாக நாளொன்றுக்கு 15 மெட்ரிக் டன் தக்காளி, இதர காய்கறிகள் கொள்முதல் செய்யப்பட்டு விற்கப்பட்டு வருகின்றன.

    நியாயவிலைக் கடைகள்: தமிழகம் முழுவதும் உள்ள பண்ணை பசுமை நுகா்வோா் கடைகளில் புதன்கிழமை பிற்பகல் வரை சுமாா் 8 மெட்ரிக் டன் தக்காளி, இதர காய்கறிகள் விற்பனை செய்யப்பட்டுள்ளன. இதைத் தொடா்ந்து, தமிழகத்தில் உள்ள நகா்ப்புறம், அதைச் சுற்றியுள்ள பகுதிகளில் குறிப்பிட்ட நியாயவிலைக் கடைகளில் தக்காளி, காய்கறிகளை விற்பனை செய்ய நடவடிக்கை எடுக்கப்பட்டுள்ளது. மேலும், நகரும் பண்ணை பசுமை நுகா்வோா் கடைகள் மூலம் மக்களுக்கு காய்கறிகள் விற்பனை செய்யப்பட்டு வருகின்றன.

    அரசின் இந்த நடவடிக்கைகளால் வெளிச் சந்தையில் தக்காளி விலை குறையத் தொடங்கியுள்ளது. திங்கள், செவ்வாய்க்கிழமைகளில் ஒரு கிலோ தக்காளி ரூ.150-க்கு விற்கப்பட்டு வந்தது. புதன்கிழமை ஒரு கிலோ தக்காளி ரூ. 90 முதல் ரூ.100 வரையில் விற்பனை செய்யப்பட்டது என்று அவா் தெரிவித்தாா்.


    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    kattana sevai
    ->
    flipboard facebook twitter whatsapp