பசும்பொன்னில் முத்துராமலிங்கத் தேவா் நினைவிடத்தில் முதல்வர் ஸ்டாலின் மரியாதை

பசும்பொன்னில் முத்துராமலிங்கத் தேவா் நினைவிடத்தில் இன்று முதல்வா் மு.க. ஸ்டாலின் மலர் வளையம் வைத்து மரியாதை செலுத்தினார்.

முத்துராமலிங்கத் தேவா் ஜெயந்தி மற்றும் குருபூஜை விழாவை முன்னிட்டு, இன்று காலை முதல்வா் மு.க.ஸ்டாலின் மதுரையிலிருந்து காா் மூலம் பசும்பொன் வருகை தந்தார். தொடர்ந்து பசும்பொன்னில் முத்துராமலிங்கத் தேவா் நினைவிடத்தில் உள்ள அவரது சிலைக்கு, தமிழக அரசு சாா்பில் மலா் வளையம் வைத்து முதல்வர் மரியாதை செலுத்தினார். 

இதையும் படிக்க- தூத்துக்குடியில் கனமழை: கீழூருக்குப் பதில் மேலூர் ரயில் நிலையத்தில் நிறுத்தப்பட்ட முத்துநகர் ரயில்

முதல்வருடன், அமைச்சா்கள் ஐ. பெரியசாமி, கே.கே.எஸ்.எஸ்.ஆா். ராமச்சந்திரன், பி.டி.ஆா். பழனிவேல் தியாகராஜன் மற்றும் எம்எல்ஏக்கள் உடன் வந்திருந்தனர். முதல்வா் மு.க. ஸ்டாலின் வருகையை முன்னிட்டு, கமுதி, பாா்த்திபனூா், அபிராமம் உள்ளிட்ட அனைத்து இடங்களிலும் போலீஸாா் பாதுகாப்பு பலப்படுத்தப்பட்டிருந்தது. 

முன்னதாக மதுரை கோரிப்பாளையத்தில் உள்ள முத்துராமலிங்கத் தேவரின் சிலைக்கும் முதல்வர் ஸ்டாலின் மாலை அணிவித்து மரியாதை செலுத்தினார் என்பது குறிப்பிடத்தக்கது.