வா்த்தகத் துறையில் வளா்ச்சி பெற ஒன்றிணைந்து பணியாற்றுவோம்: முதல்வா் மு.க.ஸ்டாலின் அழைப்பு

சென்னை: வா்த்தகத் துறையில் வளா்ச்சி பெற ஒன்றிணைந்து பணியாற்ற வேண்டுமென பொது மற்றும் தனியாா் துறைகளுக்கு முதல்வா் மு.க.ஸ்டாலின் அழைப்பு விடுத்துள்ளாா்.

ஏற்றுமதியில் ஏற்றம்-முன்னிலையில் தமிழ்நாடு என்ற நிகழ்ச்சி சென்னையில் புதன்கிழமை நடைபெற்றது. இந்த நிகழ்வில் முதல்வா் மு.க.ஸ்டாலின் பேசியது:

தமிழ்நாட்டின் தொழில் வளா்ச்சி என்பது எப்போதும் மாநிலத்தின் வளா்ச்சியாக மட்டும் இருந்தது இல்லை. உலகம் முழுவதும் பரவிய வளா்ச்சியாகவே இருந்துள்ளது. உலக வா்த்தகா்களும் வணிகா்களும் ஒன்று கூடும் இடமாக நம்முடைய தமிழ் நிலம் இருந்துள்ளது. அத்தகைய பழம்பெருமையை நாம் மீட்டாக வேண்டும்.

நம்முடைய தயாரிப்புகள் அனைத்தும் உலகம் முழுவதும் ஏற்றுமதி செய்யப்பட வேண்டும். உலகின் முன்னணித் தொழில் நிறுவனங்கள் தமிழகத்தில் தங்கள் நிறுவனத்தைத் தொடங்கிட வேண்டும். அதாவது உலகம் முழுக்க நாம் செல்ல வேண்டும். உலகம், தமிழகத்தை நோக்கி வந்தாக வேண்டும். தமிழகத் தொழில் துறையின் உள்ளங்கையில் உலகம் இருக்க வேண்டும். அதுவே உங்களது இலக்காக அமைந்திட வேண்டும்.

சமச்சீரான-பரவலான வளா்ச்சி: தமிழகத்தின் பல்வேறு மாவட்டங்களில் இருந்து பல்வேறு பொருள்கள் ஏற்றுமதி செய்யப்படுகின்றன. பரவலான வளா்ச்சியே பாா் போற்றும் வளா்ச்சி, சமச்சீரான வளா்ச்சியே சிறப்பான வளா்ச்சி என்பதை அனைவரும் மனதில் நிறுத்த வேண்டும். உலக வா்த்தகத் தரத்துக்கு ஏற்றவகையில் மதிப்புக் கூட்டுப் பொருள்களை உற்பத்தி செய்ய வேண்டும். இது மாநிலத்துக்கும் வருமானம் ஈட்டித் தரும். இத்தகைய சுழற்சி அடிப்படையில் முன்னேற்றம் அமைய வேண்டும்.

தமிழகத்தில் உற்பத்தி செய்யப்பட்ட பல பொருள்களுக்கு புவிசாா் குறியீடு வழங்கப்பட்டுள்ளன. வெளிநாடுகளில் இந்தப் பொருள்களுக்கு மிகப்பெரிய அளவில் வரவேற்பு உள்ளது. இதன்மூலம் நமது உற்பத்தியாளா்களும், ஏற்றுமதியின் மூலம் மேன்மை அடைந்திட முடியும். இவற்றை அதிகமாக அதேசமயம், தரம் குறையாத வகையில் தயாரிக்க வேண்டும். தமிழ்நாடு கொண்டிருக்கும் பன்முகத் திறன்கள், வளங்களைக் கணக்கிட்டுப் பாா்த்தால், நமது திறனுக்கேற்றவாறு ஏற்றுமதியில் இன்னும் பலமடங்கு வளா்ச்சி பெற இயலும்.

உலகத்தின் மூலை முடுக்குகளில் எல்லாம், இந்தியத் தயாரிப்பு (மேட் இன் இந்தியா) என நாம் கூறுகிறோம். அதுபோன்று, தமிழ்நாட்டின் தயாரிப்பு (மேட் இன் தமிழ்நாடு) என்ற குரல் ஒலிக்க வேண்டும். அதுதான் எங்களது லட்சியம். அந்த லட்சியத்தை நோக்கியே எங்களது பயணம் அமைந்திடும்.

உலக வா்த்தக வரைபடத்தில், தமிழ்நாடு மிகப்பெரும் வளா்ச்சி பெறுவதை ஒரு சவாலாக நாங்கள் எடுத்துக் கொண்டு அல்லும் பகலும் உழைத்து வருகிறோம். இந்த லட்சியத்தை அடைவதற்கு பொது மற்றும் தனியாா் துறைகளில் உள்ள நிறுவனங்கள் ஒன்றிணைந்து பணியாற்ற வேண்டும் என்று முதல்வா் மு.க.ஸ்டாலின் கேட்டுக் கொண்டாா்.

இந்த நிகழ்ச்சியில், தலைமைச் செயலாளா் வெ.இறையன்பு வரவேற்றுப் பேசினாா். தொழில் துறை அமைச்சா் தங்கம் தென்னரசு, ஊரகத் தொழில்கள் துறை அமைச்சா் தா.மோ.அன்பரசன், மத்திய அரசின் தொழில் வணிகத் துறை கூடுதல் செயலாளா் சஞ்சய் சத்தா, தொழில் துறை முதன்மைச் செயலாளா் முருகானந்தம், சிறு, குறு மற்றும் நடுத்தரத் தொழில்கள் துறை செயலாளா் அருண் ராய் உள்ளிட்ட பலரும் கலந்து கொண்டனா். மத்திய வா்த்தகத் துறை கூடுதல் இயக்குநா் சண்முக சுந்தரம் நன்றி தெரிவித்தாா்.

முன்னதாக தமிழ்நாடு ஏற்றுமதி மேம்பாட்டுக் கொள்கையை முதல்வா் மு.க.ஸ்டாலின் வெளியிட, தொழில் துறை அமைச்சா் தங்கம் தென்னரசு பெற்றுக் கொண்டாா். இதேபோன்று, சிறு, குறு மற்றும் நடுத்தர ஏற்றுமதி நிறுவனங்களுக்கான கையேட்டை முதல்வா் வெளியிட, அமைச்சா் தா.மோ.அன்பரசன் பெற்றாா். பல்வேறு தொழில் நிறுவனங்கள் தமிழக அரசுடன் தொழில் முதலீடுகளுக்கான புரிந்துணா்வு ஒப்பந்தங்களையும் இந்த நிகழ்ச்சியின் வாயிலாக செய்து கொண்டன.

மாநில ஏற்றுமதி மேம்பாட்டுக் குழு

மாநில ஏற்றுமதிக்கென தனி குழு அமைக்கப்பட உள்ளதாக முதல்வா் மு.க.ஸ்டாலின் அறிவித்தாா். இதுகுறித்து, அவா் பேசியது:

மாநிலத்தில் இருந்து ஏற்றுமதியை மேலும் மேம்படுத்த, தலைமைச் செயலாளா் தலைமையில் மாநில ஏற்றுமதி மேம்பாட்டுக் குழு அமைக்கப்பட உள்ளது. ஏற்றுமதியாளா்களுக்குத் தேவையான உலகத்தரம் வாய்ந்த உள்கட்டமைப்பு வசதிகளுடன் மாநல்லூரில் 6,000 ஏக்கா் பரப்பிலும், தூத்துக்குடியில் 5,000 ஏக்கா் பரப்பிலும் சிப்காட் நிறுவனம் மூலம் இரண்டு பொருளாதார வேலைவாய்ப்புப் பகுதிகளை உருவாக்க தமிழக அரசு திட்டமிட்டுள்ளது.

திருப்பூா், கரூா், மதுரை, ஆம்பூா், தூத்துக்குடி, பொள்ளாச்சி, காஞ்சிபுரம், சென்னை, கோவை, ஓசூா் ஆகிய பத்து ஏற்றுமதி மையங்கள் மேம்படுத்தப்பட உள்ளன. ஏற்றுமதியாளா்கள் மதிபபுக் கூட்டல் பொருள்களை உற்பத்தி செய்வதை ஊக்குவிக்கும் வகையில், தொகுப்புச் சலுகைகள் வழங்க ஒரு திட்டம் வடிவமைக்கப்படும். ஒவ்வொரு மாவட்டத்திலும் தனித்துவம் வாய்ந்த பல பொருள்கள் தயாரிக்கப்படுகின்றன. அவற்றை உலக அளவில் சந்தைப்படுத்த ஒவ்வொரு மாவட்டத்திலும் ஏற்றுமதி மையங்கள் உருவாக்கப்பட்டு வருகின்றன.

தேனி, மணப்பாறை, திண்டிவனம் ஆகிய 3 இடங்களில் உணவுப் பூங்காக்கள் ஏற்படுத்தப்பட உள்ளன. வேளாண் ஏற்றுமதி சேவை மையத்தையும் உருவாக்க தமிழ்நாடு அரசு திட்டமிட்டுள்ளது.