அரசுத் திட்டங்களின் செயல்பாடுகள்: முதல்வர் ஸ்டாலின் தலைமையில் ஆய்வுக்கூட்டம்

தமிழக அரசுத் திட்டங்களின் செயல்பாடுகள் குறித்து துறைச் செயலாளர்களுடன் முதல்வர் மு.க.ஸ்டாலின் இன்று ஆய்வுக்கூட்டம் நடத்தினார். 

கடந்த ஆண்டு சட்டப்பேரவைத் தேர்தலில் வெற்றி பெற்ற திமுக, பல்வேறு திட்டங்களை வாக்குறுதிகளாக அறிவித்தது. இதையடுத்து, வாக்குறுதிகளை செயல்படுத்தும் முயற்சியில் முதல்வர் மு.க.ஸ்டாலின் ஈடுபட்டுள்ளார். 

இந்நிலையில், தமிழக அரசால் வெளியிடப்பட்ட அறிவிப்புகள் மற்றும் அரசு செயல்படுத்தி வரும் நலத்திட்டங்களின் செயல்பாடுகள் குறித்த ஆய்வு கூட்டம் சென்னை தலைமை செயலகத்தில் இன்று நடைபெற்றது.

முதல்வர் மு.க. ஸ்டாலின் தலைமையில் நடைபெற்ற இந்த ஆய்வுக் கூட்டத்தில் தலைமைச் செயலாளர் வெ. இறையன்பு, ஐஏஎஸ், அரசுத் துறை செயலாளர்கள், அரசு உயர் அதிகாரிகள் கலந்துகொண்டனர்.