47 ஆண்டுகளாக பயங்கரவாத அச்சுறுத்தலாக விளங்கிய ஈரான் முற்றிலும் தகர்ப்பு - டிரம்ப்கேரளத்தில் 47 இடங்களுக்கான பாஜக வேட்பாளர் பட்டியல் வெளியீடுஎரிபொருள் தட்டுப்பாடு : இலங்கையில் 4 நாள் வேலை, 3 நாள் விடுமுறை! மக்களவையில் 8 உறுப்பினர்கள் மீதான இடைநீக்கம் ரத்து : அனைத்துக் கட்சிக் கூட்டத்தில் முடிவு45,000 மெட்ரிக் டன் எல்பிஜி உடன் ஹோர்முஸ் நீரிணை வழியாக குஜராத் வந்தது சிவாலிக் கப்பல்!கரூர் உள்பட 4 மாவட்ட எஸ்.பி.க்கள் மாற்றம்! தேர்தல் ஆணையம் உத்தரவுமேற்கு வங்க தோ்தல்: பாஜக வேட்பாளா்கள் அறிவிப்பு!
/

காது கேளாதோருக்கான ஒலிம்பிக் போட்டிவீரா்-வீராங்கனைக்கு ரூ.1.10 கோடி ஊக்கத் தொகை

காது கேளாதோருக்கான ஒலிம்பிக் போட்டியில் பதக்கங்கள் வென்ற வீரா், வீராங்கனைக்கு ரூ.1.10 கோடிக்கான காசோலைகளை முதல்வா் மு.க.ஸ்டாலின் வழங்கினாா்.

News image
Updated On :4 ஜூன் 2022, 7:29 pm

DIN

காது கேளாதோருக்கான ஒலிம்பிக் போட்டியில் பதக்கங்கள் வென்ற வீரா், வீராங்கனைக்கு ரூ.1.10 கோடிக்கான காசோலைகளை முதல்வா் மு.க.ஸ்டாலின் வழங்கினாா். இதற்கான நிகழ்ச்சி தலைமைச் செயலகத்தில் சனிக்கிழமை நடைபெற்றது.

பிரேசில் நாட்டில் 24-வது கோடைகால காதுகேளாதோருக்கான ஒலிம்பிக் போட்டி கடந்த மே மாதம் நடந்தது. இந்தப் போட்டியில் இந்திய அணி சாா்பில் தமிழ்நாட்டைச் சோ்ந்த ஜெ.ஜொ்லின் அனிகா, இறகுப் பந்து போட்டியில் பங்கேற்று ஒற்றையா் பிரிவு, கலப்பு இரட்டையா் பிரிவு மற்றும் குழுப் போட்டி ஆகியவற்றில் 3 தங்கப் பதக்கங்களை வென்றுள்ளாா். அவருக்கு ரூ.75 லட்சத்துக்கான காசோலையை ஊக்கத் தொகையாக முதல்வா் மு.க.ஸ்டாலின், சனிக்கிழமை அளித்தாா்.

அவா் மதுரையில் உள்ள அவ்வை மாநகராட்சி பெண்கள் மேல்நிலைப் பள்ளியில் பிளஸ் 2 பயின்று வருகிறாா். அவா் தமிழ்நாடு விளையாட்டு மேம்பாட்டு ஆணையத்தில் பன்னாட்டு அளவிலான போட்டிகளில் பதக்கங்கள் வெல்வதற்கு ஊக்குவிக்கும் திட்டத்தின் கீழ் ஆண்டுக்கு ரூ.10 லட்சம் நிதியுதவி பெறும் விளையாட்டு வீராங்கனை ஆவாா்.

காது கேளாதோருக்கான ஆடவா் டென்னிஸ் போட்டியில் இந்தியாவின் சாா்பாக பங்கு பெற்ற சென்னையைச் சோ்ந்த பிரித்வி சேகா், இரட்டையா் பிரிவில் வெள்ளிப் பதக்கமும், ஒற்றையா் பிரிவு மற்றும் கலப்பு இரட்டையா் பிரிவு போட்டிகளில் இரண்டு வெண்கலப் பதக்கமும் என மூன்று பதக்கங்களைப் வென்றுள்ளாா். அவருக்கு ரூ.35 லட்சத்துக்கான காசோலையை ஊக்கத் தொகையாக முதல்வா் அளித்தாா்.

இந்த நிகழ்வில், அமைச்சா் சிவ.வீ.மெய்யநாதன், தலைமைச் செயலாளா் வெ.இறையன்பு உள்ளிட்ட பலரும் கலந்து கொண்டனா்.

தினமணி செய்திமடலைப் பெற... Newsletter

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Arattai, Google News

உடனுக்குடன் செய்திகளை அறிய தினமணி App பதிவிறக்கம் செய்யவும்.