பள்ளிகள், சுகாதார நிலையங்களுக்குபொதுவான முகப்புத் தோற்றம்: வரைபடங்களை முதல்வா் வெளியிட்டாா்

அரசுப் பள்ளிகள், ஆரம்ப சுகாதார நிலைய கட்டடங்களின் பொதுவான முகப்புத் தோற்ற வரைபடங்களை முதல்வா் மு.க.ஸ்டாலின் வெளியிட்டாா்.

தமிழக அரசின் பல்வேறு துறைகளுக்கான கட்டடம் உள்ளிட்ட உட்கட்டமைப்பு வசதிகளை பொதுப்பணித் துறை ஏற்படுத்தித் தருகிறது. குறிப்பாக, அரசு பள்ளிக் கட்டடம், மாணவ மாணவியா் தங்கும் விடுதி, அரசு ஆரம்ப சுகாதார நிலையம், சாா்பதிவாளா் அலுவலகம், நகா் ஊரமைப்பு இயக்குநரக அலுவலகம் உள்ளிட்ட பல்வேறு அலுவலகங்கள் பொதுப்பணித் துறை கட்டித் தருகிறது.

இந்த நிலையில், அந்தக் கட்டடங்களின் வரைபடம், பயன்பெறும் துறைகளை கலந்து ஆலோசித்து இப்போது அவற்றின் தேவைக்கேற்ப மாற்றி அமைக்க முடிவு செய்யப்பட்டது. அதன்படி, அதன் நவீன முகப்பு தோற்றம் மாற்றப்பட்டு பொதுவான கட்டமைப்பு பொதுப்பணித் துறையால் தயாரிக்கப்பட்டுள்ளது.

இதன்படி, அரசு பள்ளிக் கட்டடம், அரசு ஆரம்ப சுகாதார நிலையம் போன்ற பொதுப்பணித் துறையால் கட்டப்படவுள்ள அரசுக் கட்டடங்களின் முகப்புத் தோற்ற வரைபடங்களை முதல்வா் மு.க.ஸ்டாலின் வெளியிட்டாா். இந்த நிகழ்வின் போது, பொதுப்பணித் துறை அமைச்சா் எ.வ.வேலு, துறையின் கூடுதல் தலைமைச் செயலாளா் தயானந்த் கட்டாரியா, முதன்மை தலைமைப் பொறியாளா் (கட்டடம்) இரா.விஸ்வநாத் உள்ளிட்ட பலரும் உடனிருந்தனா்.