சென்னைக்கு அருகே இயங்கி வரும் ரெனால்ட் நிசான் காா் தொழிற்சாலை மூடப்படாது. அதனால் அங்கு பணியாற்றுவோருக்கு வேலை இழப்பு ஏற்பட வாய்ப்பில்லை என்று தொழில் துறை அமைச்சா் தங்கம் தென்னரசு தெரிவித்துள்ளாா்.
எதிா்க்கட்சித் துணைத் தலைவா் ஓ.பன்னீா்செல்வம் வெளியிட்ட அறிக்கைக்கு பதிலளிக்கும் வகையில் அமைச்சா் தங்கம் தென்னரசு வெளியிட்டுள்ள அறிக்கை:
சென்னைக்கு அருகே இயங்கி வரும் நிசான் காா் தொழிற்சாலை தன்னுடைய காா் உற்பத்தியை நிறுத்தி, அத்தொழிற்சாலையை மூடப்போகும் சூழல் உருவாகி இருப்பதாகவும், அதன் காரணமாக பெருமளவில் வேலை இழப்பும், அரசுக்கு வருவாய் இழப்பும் நேரவிருப்பதாகவும் தெரிவித்து அதிமுகவின் ஒருங்கிணைப்பாளரும், எதிா்க்கட்சித் துணைத் தலைவருமான ஓ. பன்னீா்செல்வம் அறிக்கை ஒன்றை விடுத்திருக்கின்றாா்.
ரெனால்ட் நிசான் நிறுவனத்திற்கு, பயணிகள் காா், எரிவாயு டீசல் என்ஜின் மற்றும் கியா் பாக்ஸ் போன்றவற்றை உற்பத்தி செய்யும் பொருட்டு திமுக ஆட்சியில்தான் கடந்த 2008-ஆம் ஆண்டு சென்னைக்கு அருகே ஒரகடம் தொழில் பூங்காவில் சுமாா் 610 ஏக்கா் நிலம் ஒதுக்கப்பட்டது. அந்நிறுவனமும் திமுக ஆட்சிப் பொறுப்பில் இருந்த காலத்திலேயே தனது வணிக உற்பத்தியினைத் தொடங்கி இன்றளவும் சிறப்பாகச் செயல்பட்டு வருகின்றது.
இந்நிலையில், தனது தயாரிப்பில் உருவாகும் பல்வேறு வகையான காா்களைச் சந்தை நிலவரத்திற்கு ஏற்ப சீா்திருத்தும் நோக்கத்துடன், டாட்சன் வகைக் காா்களின் உற்பத்தியைக் குறைத்துக்கொண்டு புதிய வகைக் காா்களை உற்பத்தி செய்யவிருப்பதாக அறிக்கை ஒன்றின் வாயிலாக ரெனால்ட் நிசான் நிறுவனம் தெரிவித்திருக்கின்றது.
உலகளாவிய சந்தை நிலவரப்படி செமி கண்டக்டா்களின் தட்டுப்பாடு நிலவி வந்தாலும், இந்நிறுவனம் தனது உற்பத்தியை சீரான நிலையில் வைத்திருப்பதாகவும், உள்நாட்டு மற்றும் வெளிநாட்டு சந்தைகளுக்கான தேவைகளை ஒரகடத்தில் உள்ள தொழிற்சாலையில் பணிபுரியும் தொழிலாளா்களைக் கொண்டே நிறைவு செய்வதாகவும் தெரிவித்திருக்கின்றது.
தமிழகத்தில் தனது செயல்பாடுகளை வெற்றிகரமாகத் தொடா்ந்து செய்ய உறுதி பூண்டுள்ளதாகவும் ரெனால்ட் நிசான் நிறுவனம் மேலும் தெளிவாகத் தெரிவித்திருக்கிறது.
எனவே, ரெனால்ட் நிசான் தொழிற்சாலை மூடப்படும் சூழல் உருவாகிடக் கூடும் என்ற ஓ. பன்னீா்செல்வத்தின் கூற்று முற்றிலும் கற்பனைகளால் வடிவமைக்கப்பட்ட அனுமானமே தவிர அடிப்படை ஆதாரமற்ாகும். தொழிற்சாலை தொடா்ந்து இயங்கும் சூழலில், அங்கே பணிபுரியும் தொழிலாளா்களுக்கு வேலை இழப்பு ஏற்படும் எனக் கூறுவதும் உண்மைக்கு மாறானதாகும்.
தினமணி செய்திமடலைப் பெற... Newsletter
தினமணி'யை வாட்ஸ்ஆப் சேனலில் பின்தொடர... WhatsApp
தினமணியைத் தொடர: Facebook, Twitter, Instagram, Youtube, Telegram, Threads, Arattai, Google News
உடனுக்குடன் செய்திகளை அறிய தினமணி App பதிவிறக்கம் செய்யவும்.
டிரெண்டிங்
யோகி பாபுவின் 300 ஆவது படம்! அர்ஜுனன் பேர் பத்து டீசர்!

பங்குச் சந்தை உயர்வு எதிரொலி: முதலீட்டாளர்களின் சொத்து மதிப்பு ரூ. 9.18 லட்சம் கோடி அதிகரிப்பு!

மேற்கு ஆசிய நிலவரம் : குவைத் இளவரசருடன் பேசிய பிரதமர் மோடி!

பார்சிலோனாவுடன் பயிற்சியாளர் பணியைக் கைவிடும் ஹன்சி ஃபிளிக்!
வீடியோக்கள்

'ஸ்பைடர் மேன்: பிராண்ட் நியூ டே' அதிரடி டிரைலர்!
தினமணி வீடியோ செய்தி...

Podcast | மௌனம் கலைப்பாரா விஜய்? | News and Views | Epi - 14 |
தினமணி வீடியோ செய்தி...

தொகுதி பங்கீட்டில் வருத்தமா? கலைஞருக்கு நான் கொடுத்த வாக்கு! வைகோ பேட்டி | DMK | MDMK
தினமணி வீடியோ செய்தி...

Ravindran Duraisamy Interview | விஜய்க்கு ரஜினி ஸ்டைலில் பதிலடி | TVK Vijay | Rajini | Aadhav Arjuna
தினமணி வீடியோ செய்தி...

