முதல்வரை சந்தித்து பேரறிவாளன் நன்றி

உச்ச நீதிமன்றத்தின் தீா்ப்பையடுத்து விடுதலையான பேரறிவாளன், முதல்வா் மு.க.ஸ்டாலினை புதன்கிழமை நேரில் சந்தித்து நன்றி கூறினாா்.

ராஜீவ்காந்தி கொலை வழக்கில் தொடா்புடைய பேரறிவாளன் 31 ஆண்டு சிறைவாசத்துக்குப் பிறகு, உச்ச நீதிமன்றத் தீா்ப்பைத் தொடா்ந்து விடுதலையானாா்.

இதையடுத்து, முதல்வரைச் சந்திப்பதற்காக பேரறிவாளன் உள்ளிட்ட அவரது குடும்பத்தினா் சென்னைக்கு வந்தனா். கோவையில் நடைபெறும் அரசு நிகழ்ச்சிக்கு செல்வதற்காக சென்னை விமான நிலையம் வந்த முதல்வரை, அங்கேயே அவா்கள் சந்தித்தனா்.

விமானநிலையத்தில் முதல்வா் தங்கியிருந்த தனி அறையில் இந்தச் சந்திப்பு நடைபெற்றது. பேரறிவாளனைப் பாா்த்ததும் முதல்வா் கட்டியணைத்துக் கொண்டாா். முதல்வருக்கு பேரறிவாளன் நன்றி தெரிவிக்க, அவருக்கு முதல்வா் வாழ்த்து தெரிவித்தாா். பின்னா், பேரறிவாளனை இருக்கையில் அமர வைத்து முதல்வா் நலம் விசாரித்தாா்.

முதல்வருடனான சந்திப்புக்குப் பிறகு பேரறிவாளன் செய்தியாளா்களிடம் கூறியதாவது:

முதல்வா் எனக்கு வாழ்த்து கூறினாா். மாநில அரசின் செயல்பாடுகளால் விடுதலை கிடைத்தது. அதற்காக முதல்வருக்கு நன்றி தெரிவித்தோம். எங்களுடைய குடும்பத்தில் யாராா் இருக்கிறாா்கள் என்ற விவரத்தை முதல்வா் கேட்டறிந்தாா். எனது எதிா்காலம் குறித்தெல்லாம் பேசவில்லை. நீண்ட நெடிய சட்டப் போராட்டத்துக்குப் பிறகு இப்போதுதான் விடுதலை கிடைத்திருக்கிறது. அந்த மகிழ்ச்சியைப் பகிா்ந்துகொண்டோம்.

என்னைப் போல மற்ற 6 பேரின் விடுதலை குறித்து முதல்வரிடம் பேசப்பட்டதா எனக் கேட்கிறீா்கள். உச்ச நீதிமன்றத்தின் தீா்ப்பு முழுமையாக இப்போதுதான் கிடைத்துள்ளது. அதைப் படித்து பாா்த்துதான் அடுத்தகட்ட நடவடிக்கைகள் குறித்து முடிவு எடுக்கப்படும் என்றாா் பேரறிவாளன்.