தேர்தல் கூட்டணி: தமிழக பாஜக நிர்வாகிகளுடன் அமித்ஷா ஆலோசனை

வரும் நாடாளுமன்றத் தேர்தலில் கூட்டணி அமைப்பது தொடர்பாக கட்சி நிர்வாகிகளுடன் மத்திய உள்துறை அமைச்சர் அமித்ஷா ஆலோசனை மேற்கொண்டார். 

சென்னையில் பாஜக தலைமையகமான கமலாலயத்தில் நடைபெற்ற இந்த ஆலோசனையில் தமிழக பாஜக தலைவர் அண்ணாமலை, வானதி சீனிவாசன் உள்ளிட்ட நிர்வாகிகள் பங்கேற்றனர்.

நாடாளுமன்றத் தேர்தலில் போட்டியிட பாஜக கூட்டணியில் இதர கட்சிகளை சேர்ப்பது குறித்து ஆலோசனை நடத்தினர். மேலும் கூட்டணி, தொகுதி பங்கீடு, வேட்பாளர்கள் விவரம் குறித்தும் அமித்ஷா, தமிழக பாஜக நிர்வாகிகளுடன் கூட்டத்தில் கலந்தாலோசித்தார்.

இதையும் படிக்க- சென்னையில் தோனி!

முன்னதாக இந்தியா சிமெண்டின் 75ஆவது ஆண்டு விழாவில் பங்கேற்க மத்திய உள்துறை அமைச்சர் அமித்ஷா சென்னை வந்திருந்தார் என்பது குறிப்பிடத்தக்கது.