கிறிஸ்துமஸ், புத்தாண்டு மற்றும் பொங்கல் பண்டிகையை முன்னிட்டு ஆவின் நிறுவனம் சிறப்பு கேக் வகைகளை அறிமுகம் செய்கிறது.
பண்டிகை காலத்தில் ஆவின் நிறுவனம் பல சிறப்பு வகை இனிப்புகளை அறிமுகம் செய்து வருகிறது.
இந்நிலையில் கிறிஸ்துமஸ், புத்தாண்டு மற்றும் பொங்கல் என தொடர்ச்சியாக பண்டிகைகள் வருவதையொட்டி, ஆவின் நிறுவனம் சிறப்பு கேக் வகைகளை அறிமுகம் செய்கிறது.
பிளாக் பாரஸ்ட் கேக், சாக்கோ ட்ரிபில், ஸ்ட்ராபெரி கேக், பைனாப்பில் கேக், ஒயிட் ஃபாரஸ்ட் கேக், பட்டர்ஸ்காட்ச் கேக், ரெயின்போ கேக், பிளாக்கரண்ட் கேக், ரெட் வெல்வெட் கேக், டெத் பை சாக்லேட் கேக், பிளம் கேக் ஆகியவை ஆவின் பாலகங்களில் விற்பனை செய்யப்படும் என்று அறிவிக்கப்பட்டுள்ளது.
பால்வளத்துறை அமைச்சர் நாசர் இந்த கேக்குகளை இன்று விற்பனைக்கு அறிமுகம் செய்துவைத்தார். மேலும், இந்நிகழ்வில் மதுரவாயல் தொகுதி எம்.எல்.ஏ காரப்பாக்கம் கணபதி, பால்வளத்துறை ஆணையர் மற்றும் மேலாண்மை இயக்குனர் மரு. சுப்பையன் இ,ஆ,ப.,, இணை மேலாண்மை இயக்குநர் சரயு இ,ஆ,ப., மற்றும் ஆவின் உயர் அதிகாரிகள் மற்றும் அலுவலர்கள் கலந்து கொண்டனர்.
இதையும் படிக்க | உண்மையான 'பப்பு' யார்? - வைரலாகும் திரிணமூல் எம்.பி.யின் பேச்சு!