மேலும் ஒரு பிளஸ் 2 வினாத்தாள் கசிந்தது!

உயிரியல், வணிகவியல், வணிகக் கணிதம் உள்ளிட்ட பாடங்களைத் தொடர்ந்து 12 ஆம் வகுப்பு திருப்புதல் தேர்வுக்கான இயற்பியல் வினாத்தாளும் கசிந்துள்ளது. 

தமிழகத்தில் 10 மற்றும் 12 ஆம் வகுப்பு மாணவர்களுக்கு திருப்புதல் தேர்வு நடந்து வருகிறது. 

இந்நிலையில், பிளஸ் 2 மாணவர்களுக்கான உயிரியல் பாடத்தின் வினாத்தாள் நேற்று கசிந்த நிலையில், இன்று நடக்கும் வணிகக் கணிதம் பாடத்திற்கான திருப்புதல் தேர்வு வினாத்தாளும் கசிந்துள்ளது. முன்னதாக, 10-ம் வகுப்பு சமூக அறிவியல் மற்றும் ஆங்கில தேர்வுக்கான வினாத்தாள்கள் கசிந்ததும் குறிப்பிடத்தக்கது. 

வினாத்தாள் கசிந்த பகுதிகளில் கல்வித்துறை அதிகாரிகள் விசாரணை மேற்கொண்டு வருகின்றனர். 

இந்நிலையில், நாளை நடக்கவிருக்கும் 12 ஆம் வகுப்பு திருப்புதல் தேர்வுக்கான இயற்பியல் வினாத்தாளும் கசிந்துள்ளது. 

இதையடுத்து தேர்வு எழுதும் மாணவர்களிடையே பதட்டமான சூழல் நிலவி வருகிறது. 

இதையும் படிக்க | தொடர்ந்து கசியும் திருப்புதல் தேர்வு வினாத்தாள்: வணிக கணித வினாத்தாளும் கசிந்தது