Enable Javscript for better performance
அண்ணா பல்கலை.யில் முறைகேடு: ரூ. 35.90 கோடி நஷ்டம்!- Dinamani

உடனுக்கு உடன் செய்திகள்

    அண்ணா பல்கலை.யில் முறைகேடு: ரூ. 35.90 கோடி நஷ்டம்!

    By DIN  |   Published On : 20th October 2022 01:20 PM  |   Last Updated : 20th October 2022 01:20 PM  |  அ+அ அ-  |  

    anna university

     

    அண்ணா பல்கலைக்கழகம் தேவைக்கு அதிகமாக வெற்றுச் சான்றிதழ்களை வாங்கியதுயது, சான்றிதழ்களை எண்ம(டிஜிட்டல்)மயமாக்கியது என ரூ. 35.90 கோடி முறைகேடு செய்துள்ளதாக கணக்கு தணிக்கைத் துறை அறிக்கையில் தெரிவிக்கப்பட்டுள்ளது. 

    அண்ணா பல்கலைக்கழகத்தில் விடைத்தாள் மறுமதிப்பீட்டில் முறைகேட்டில் ஈடுபட்டதாக அண்ணா பல்கலைக்கழக தேர்வுக் கட்டுப்பாட்டு அலுவலராக இருந்த உமா மீது வழக்குப்பதிவு செய்யப்பட்டு அவர் இடைநீக்கம் செய்யப்பட்டார். 

    அந்த காலகட்டத்தில் அண்ணா பல்கலைக்கழகத்தில் அதிகமாக வெற்றுச் சான்றிதழ்களை வாங்கியதுயது, சான்றிதழ்களை எண்மமயமாக்கியது என ரூ. 35.90 கோடி முறைகேடு செய்துள்ளதாக நேற்று சட்டப்பேரவையில் தாக்கல் செய்யப்பட்ட கணக்கு தணிக்கைத் துறை அறிக்கையில் தெரிவிக்கப்பட்டுள்ளது. 

    மாணவர்களுக்கான சான்றிதழ்களை எண்மமயம் ஆக்குவதற்கு தகுதியற்ற நிறுவனத்திற்கு ஒப்பந்தங்களை அளித்ததன் மூலம் 11 கோடியே 41 லட்சம் ரூபாய் நஷ்டம் ஏற்பட்டதாகவும் எண்மமயமாக்கப்பட வேண்டிய மாணவர்களின்  சான்றிதழ்களின் எண்ணிக்கை 7,33,720 என்ற நிலையில் 20,92,035 சான்றிதழ்கள் எண்மமயம் ஆக்கப்பட்டதாக போலியாக கணக்கு காட்டப்பட்டு தனியார் நிறுவனத்திற்கு பணம் வழங்கப்பட்டுள்ளது தெரிய வந்துள்ளது. 

    மேலும் மாணவர்களுக்கு வழங்கப்படும் தரச் சான்றிதழ், மதிப்பெண் சான்றிதழ், உள்ளிட்ட சான்றிதழ்களை அச்சிடுவதற்காக வாங்கப்பட்ட வெற்றுச் சான்றிதழ்களிலும் முறைகேடு நடந்துள்ளது கண்டறியப்பட்டுள்ளது. கடந்த 2016ஆம் ஆண்டு 17,15,441 சான்றிதழ்கள் தேவைப்பட்ட நிலையில் 1,63,30,000 வெற்று சான்றிதழ்கள் பெறப்பட்டுள்ளது. 

    தற்போது சான்றிதழ்களின் வடிவத்தை மாற்றியதால் 24.50 கோடி ரூபாய் மதிப்புள்ள வெற்றுச் சான்றிதழ்களை பயன்படுத்த முடியாத நிலை ஏற்பட்டுள்ளதாக அறிக்கையில் தெரிவிக்கப்பட்டுள்ளது.

    இந்த முறைகேடு காரணமாக மொத்தமாக அண்ணா பல்கலைக்கழகத்திற்கு ரூ. 35.90 கோடி நஷ்டம் ஏற்பட்டுள்ளதாகத் தெரிவிக்கப்பட்டுள்ளது. 

    இதையும் படிக்க | ரூபாயின் மதிப்பு வரலாறு காணாத வீழ்ச்சி! ஒரு டாலர் - ரூ. 83.15


    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    • அதிகம்
      படிக்கப்பட்டவை
    • அதிகம் பகிரப்பட்டவை
    kattana sevai
    flipboard facebook twitter whatsapp