தமிழ்நாட்டில் உள்ள அரசு, அரசு உதவிப்பெறும் பொறியியல் கல்லூரிகள் மற்றும் கலை, அறிவியல் கல்லூரிகளில் எம்பிஏ, எம்சிஏ பயில, தமிழ்நாடு பொது நுழைவுத் தேர்வுக்கான (டான்செட்) தகுதித் தேர்வு முடிவுகள் இன்று வெள்ளிக்கிழமை(ஏப்.14) வெளியாகிறது.
கடந்த மார்ச் 25 ஆம் தேதி எம்பிஏ, எம்சிஏ பயில, தமிழ்நாடு பொது நுழைவுத் தேர்வு தகுதி தேர்வை 34,288 மாணவர்களும், எம்இ, எம்.டெக், எம்பிளான், எம்ஆர்க் ஆகிய முதுநிலை பொறியியல் படிப்புகளுக்கான நுழைவுத் தேர்வை(சிஇஇடிஏ) 4,961 பேர் எழுதினர்.
இந்த தேர்வு 15 நகரங்களில் 40 தேர்வு மையங்களில் நடைபெற்றது.
இந்த தேர்வின் முடிவுகள் ஏப்ரல் 15 ஆம் தேதிக்குள் வெளியாகும் என தெரிவிக்கப்பட்டிருந்தது.
இந்நிலையில், டான்செட் தேர்வு முடிவுகள் இன்று வெள்ளிக்கிழமை(ஏப்ரல் 14) வெளியாகிறது.
இந்த தேர்வின் முடிவுகளை அண்ணா பல்கலைக்கழகத்தின் www.tancet.annauniv.edu என்ற இணையதளத்தில் தேர்வர்கள் தெரிந்துகொள்ளலாம்.