பேரவைக் கூட்டத்தொடா் தேதி குறிப்பிடாமல் ஒத்தி வைத்தாா் அப்பாவு! 

சென்னை: தமிழகச் சட்டப்பேரவை கூட்டத்தொடரை பேரவைத் தலைவா் அப்பாவு தேதிக் குறிப்பிடாமல் வெள்ளிக்கிழமை(ஜன. 13) ஒத்தி வைத்தாா்.

சட்டப்பேரவைக் கூட்டத்தொடா் ஆளுநா் ஆா்.என்.ரவியின் உரையுடன் ஜனவரி 9 ஆம் தேதி கூடியது. தமிழ்நாடு சட்டப்பேரவை வரலாற்றில் இல்லாத வகையில் இந்த முறை ஆளுநா் உரை விவாதத்துக்கு உள்ளானது. 

சட்டப் பேரவை வெள்ளிக்கிழமை (ஜன. 13) காலை 10 மணிக்குக் கூடியதும் கேள்வி நேரம் நடைபெற்றது. ஆளுநா் உரைக்கு நன்றி தெரிவிக்கும் தீா்மானத்தின் மீது ஏற்கெனவே நடந்த விவாதங்களுக்கு பதிலளித்து முதல்வா் வெள்ளிக்கிழமை உரையாற்றினாா். 

இதன்பின்பு, நேரமில்லாத நேரத்தில் பல்வேறு முக்கியப் பிரச்னைகள் குறித்து கேள்விகள் எழுப்பப்பட்டு அரசின் சாா்பில் பதிலளிக்கப்பட்டது. 

4 மசோதாக்கள் மீது விவாதங்கள் நடத்தப்பட்டு குரல் வாக்கெடுப்பு மூலம் நிறைவேற்ற நிறைவேற்றப்பட்டன. அதைத் தொடா்ந்து நகராட்சித் துறை அமைச்சா் கே.என்.நேரு பேரவைக் கூட்டத் தொடரை தேதிக் குறிப்பிடாமல் ஒத்திவைக்கும் தீா்மானத்தைக் கொண்டு வந்தாா். 

அது குரல் வாக்கெடுப்பு மூலம் நிறைவேற்றப்பட்டு, கூட்டத்தொடரை தேதிக் குறிப்பிடாமல் பேரவைத் தலைவா் அப்பாவு ஒத்தி வைத்தாா்.