தங்கம் விலை அதிரடியாக குறைந்தது: மக்கள் மகிழ்ச்சி!

சென்னையில் ஒரு சவரன் தங்கம் விலை ரூ.320 அதிரடியாக குறைந்துள்ளது மக்கள் மத்தியில் மகிழ்ச்சியை ஏற்படுத்தியுள்ளது. 

தங்கம் விலை உயர்வதும், குறைவதும் அவ்வப்போது நிகழ்ந்து வரும் ஒன்றாக இருந்தாலும், கடந்த ஏப்ரலில் இருந்தே தொடர்ந்து ஏற்றத்துடன் இருந்து வருகிறது.

அதன்படி, சென்னையில் வாரத்தின் மூன்றாம் நாளான இன்று காலை நிலவரப்படி ஒரு சவரன் தங்கத்தின் விலை ரூ.320 குறைந்து, ரூ.44,400-க்கும், ஒரு கிராம் ரூ.40 குறைந்து ரூ.5,550-க்கும் விற்பனை செய்யப்படுகிறது. 

படிக்க: ஓமந்தூரார் மருத்துவமனைக்கு முதல்வர் ஸ்டாலின் வருகை!

அதேசமயம், வெள்ளியின் விலையும் இன்று சற்று குறைந்துள்ளது. அதன்படி ஒரு கிராம் ரூ.70 காசுகள் குறைந்து ரூ.78.50-க்கும் கட்டி வெள்ளி ஒரு கிலோ ரூ.78,500-க்கும் விற்பனை செய்யப்படுகிறது.