தங்கம் விலை அதிரடி உயர்வு: எவ்வளவு தெரியுமா?

சென்னையில் ஆபரணத் தங்கத்தின் (22 காரட்) விலை சனிக்கிழமை அதிரடியாக சவரனுக்கு ரூ.880 உயர்ந்து ரூ.44,480-ஆக விற்பனை செய்யப்படுகிறது. 

தங்கம் விலை கடந்த சில மாதங்களாகவே அதிகரித்து வந்தது.  கடந்த 6 ஆம் தேதி ஒரு சவரன் தங்கத்தின் விலை ரூ. 42 ஆயிரத்தைத் தாண்டிய நிலையில் சற்று குறைந்து மீண்டு தொடர்ந்து அதிகரித்து வந்தது. 

இந்நிலையில், சனிக்கிழமை (மார்ச் 18) அதிரடியாக சவரனுக்கு ரூ. 880 அதிகரித்து ஒரு சவரன் தங்கம் ரூ. 44,480- ஆக விற்பனை செய்யப்படுகிறது. 

இதையும் படிக்க: அதிமுக கூட்டணிக்கு அண்ணாமலை எதிர்ப்பு?

ஒரு கிராம் தங்கத்தின் விலை ரூ.110 அதிகரித்து ரூ.5,560 ஆக விற்பனை செய்யப்படுகிறது.

இதேபோல், 24 கேரட் தங்கம் பவுனுக்கு ரூ.960 அதிகரித்து ரூ.48,520  ஆக விற்பனையாகிறது.

அதேநேரம், வெள்ளியின் விலை கிராமுக்கு ரூ.1.30 அதிகரித்து ரூ.74.40 ஆகவும், கட்டி வெள்ளி கிலோவுக்கு ரூ.1,300 அதிகரித்து ரூ.74,400 ஆக விற்பனை செய்யப்படுகிறது.

சனிக்கினமை விலை (ரூபாயில்)
1 கிராம் தங்கம்................................ 5,560
1 பவுன் தங்கம்............................... 44,480
1 கிராம் வெள்ளி............................. 74.40
1 கிலோ வெள்ளி............................. 74,400

வெள்ளிக்கிழமை விலை  (ரூபாயில்)
1 கிராம் தங்கம்................................ 5,450
1 பவுன் தங்கம்............................... 43,600
1 கிராம் வெள்ளி............................. 73.10
1 கிலோ வெள்ளி............................. 73,100